قُرَيْبٌ [Ḵureyb] (زُبَيْرٌ [zubeyr] vezninde) Aṡmaʹî-yi maʹrûfun pederi lakabıdır. Ve Ḣavâric tâ΄ifesinin re΄îsleri ismidir. Ve Ḵureyb b. Yaʹḵûb el-Kâtib, İmâm Muberred’in râvîsidir.
Mü΄ellifin Baṡâ΄ir’de beyânına göre vasf olmayıp belki بَعِيدٌ [baʹîd]in zıddı olan قَرِيبٌ [ḵarîb]de tezkîr ve te΄nîs ve müfred ve cemʹ berâberdir, zîrâ نَهِيقٌ [nehîḵ] ve زَفِيرٌ [zefîr] gibi masâdır vezninde olmakla onlara haml ve iʹtibâr olunur, ke-kavlihi taʹâla: ﴿إِنَّ رَحْمَتَ اللهِ قَرِيبٌ مِنَ الْمُحْسِنِينَ﴾ Ve İmâm Ferrâ΄ rivâyeti üzere eğer قَرِيبٌ [ḵarîb] mesâfe maʹnâsında olur ise hasbe’l-iktizâ΄ müzekkeren ve mü΄ennesen istiʹmâl olunur; yukâlu: مَكَانٌ قَرِيبٌ وَمَسَافَةٌ قَرِيبَةٌ Ve eğer rahim ve neseb maʹnâsında olur ise bilâ-ihtilâfin teʹnîsle istiʹmâl olunur; tekûlu: هَذِهِ الْمَرْأَةُ قَرِيبَتِي أَيْ ذَاتُ قَرَابَتِي Ve tekûlu: هَذَا الرَّجُلُ قَرِيبَتِي İntehâ. Ve
قَرِيبٌ [ḵarîb] İnsânın rahim ve neseb cihetiyle olan yakınına denir ki hısım taʹbîr olunur, Fârisîde hîş denir.
Sitemizde detaylı hızlı ve kolay arama ekranı