اَلْمَجْمَعُ [el-mecmaʹ] (مَقْعَدٌ [maḵʹad] vezninde) ve
اَلْمَجْمِعُ [el-mecmiʹ] (مَنْزِلٌ [menzil] vezninde) İsm-i mekânlardır, cemʹ olacak mahalle denir. Vezn-i ahîr şâzdır. Ve
مَجْمَعٌ [mecmaʹ] (مَقْعَدٌ [maḵʹad] vezninde) Otsuz, susuz hâlî yere ıtlâk olunur, أَرْضٌ قَفْرٌ maʹnâsına. Ve bu لَدِيغٌ [ledîġ]e سَلِيمٌ [selîm] ıtlâkı gibi tefe΄΄ül kabîlindendir. Ve
مَجْمِعٌ [mecmiʹ] Bir araya birikmiş kumluğa ıtlâk olunur. Ve Hužeyl bilâdında bir mevziʹ adıdır ki onda bir vakʹa olmakla يَوْمُ الْمَجْمِعِ [yevmu’l-mecmiʹ] maʹrûftur.
مُجَمِّعٌ [Mucemmiʹ] (mîm-i evvelin zammı ve sânînin kesri ve teşdîdiyle) Ḵuṡayy b. Kilâb’ın lakabıdır. Mezbûra مُجَمِّعٌ [Mucemmiʹ] dediler, Ḵureyş’ten kabâ΄il-i şettâ cemʹ edip Mekke-i müşerrefede nâzil kılıp onda Dâru’n-Nedve’yi binâ ettiği için. Ve نَدْوَةٌ [nedvet] nûn’un fethi ve dâl-ı mühmelenin sükûnuyla cemâʹat maʹnâsınadır. Ve zikr olunan ev cemâʹat onda cemʹ olup müşâvere etmek için binâ olunmuş idi.
Sitemizde detaylı hızlı ve kolay arama ekranı