اَلْإِسْتِجْهَالُ [el-istichâl] Bir adamı câhil ʹadd eylemek maʹnâsınadır; yukâlu: إِسْتَجْهَلَهُ إِذَا عَدَّهُ جَاهِلًا Ve istihfâf ve istihkâr maʹnâsına müstaʹmeldir; yukâlu: إِسْتَجْهَلَهُ إِذَا اسْتَخَفَّهُ Ve rüzgâr ağacın dallarını oynatmak maʹnâsına müstaʹmeldir; yukâlu: إِسْتَجْهَلَتِ الرِّيحُ الْغُصْنَ إِذَا حَرَّكَتْهُ فَاضْطَرَبَ
اَلْإِسْتِجْهَالُ [el-istichâl] (hemzenin ve tâ’nın kesriyle) Bir kimseyi istihfâf edip câhil ʹadd etmek; tekûlu: إِسْتَجْهَلَهُ إِذَا عَدَّهُ جَاهِلًا وَاسْتَخَفَّهُ Ve fi’l-meseli: “نَزْوُ الْفُرَارِ اسْتَجْهَلَ الْفُرَارَا” Ve فُرَارٌ [furâr] fâ’nın zammı ve râ΄eyn-i mühmeleteynle yaban sığırının veledidir ki henüz resîde ola. Ve نَزْوٌ [nezv] erkek dişi üzerine sıçramaktır, yaʹnî resîde olan sıçradığın görüp olmayanlar dahi sıçradıkta, ke-ennehu yeni resîde olanların sıçraması olmayanların istihfâfını mü΄eddî olur. Ve bir meseldir ki yaramaz kimsenin hem-demi olmadan ictinâb lâzım olmak mahallinde darb olunur, tâ ki onun fiʹli gibi fiʹl işlemek ona dahi sirâyet etmeye.
Sitemizde detaylı hızlı ve kolay arama ekranı