اَلأَنْجُذَانُ [el-encužân] (hemzenin fethi ve cîm’in zammıyla) Bir nevʹ nebât adıdır ki sümûma mukâvim ve vecaʹ-ı mefâsıla be-gâyet nâfiʹ ve bevl ve leben ve hayzı cezb ve idrârda ʹacîbü’t-te΄sîrdir. Onun ebyaz nevʹinin kökü uşturgâzdır ki deve dikeni dedikleri devâyî ottur; mukattıʹdır, yaʹnî letâfeti sebebiyle halt-ı lezc ile sath-ı ʹuzvun beynine ve nefs-i mâddenin aralıklarına nüfûz ve eczâ-yı sıgâra taksîmle dâfiʹdir. Ve mulattiftir, yaʹnî harâret-i muʹtedilesi sebebiyle mâddeyi terkîk edicidir. İşbu أَنْجُذَانٌ [encužân] engudân-ı Fârisî muʹarrebidir. Türkîde baldırgan ve hiltît ağacı derler; siyâh ve beyâz nevʹi olur, beyâzı efdaldir.
Sitemizde detaylı hızlı ve kolay arama ekranı