اَلْإِنْمِرَاقُ [el-inmirâḵ] (إِنْفِعَالٌ [infiʹâl] vezninde) Bu dahi ok nişândan öte geçmek maʹnâsınadır; ve minhu’l-meselu: “رُوَيْدَ الْغَزْوَ يَنْمَرِقُ” Benû Kinâne’den bir hatun be-gâyet dilîr olmakla dâ΄imâ başına ʹasker cemʹ edip kabâ΄il-i sâ΄ireye çapul eder idi. Mukaddemâ istirkâk eylediği civânlardan birine ʹalâka ve ittisâl eylemekle ondan hâmil olup o esnâda tevâbiʹi yine bir semte âgaz eylemek husûsunu der-miyân eylemeleriyle kelâm-ı mezbûru îrâd eyledi ki şeb-hûn husûsunda bir müddet dahi imhâl ve te΄hîr eyleyesiz, tâ ki batnımda olan veled taşra hurûc edince demektir. Mesel-i mezbûr ʹâkıbet-i ahvâle intizâr ve tevakkuf mevkiʹinde darb olunur.
Sitemizde detaylı hızlı ve kolay arama ekranı