اَلْأُوقِيَّةُ [el-ûḵiyyet] (hemzenin zammıyla) أَوْقٌ [evḵ] mâddesinden فُعْلِيَّةٌ [fuʹliyyet]tir, وَقْيٌ [vaḵy] mâddesinde dahi müsebbet olmakla orada maʹlûm olur, inşâ΄allâhu taʹâlâ. Pes baʹzılar ʹindinde siklet maʹnâsına olan أَوْقٌ [evḵ]-i mezkûrdandır ve ʹinde’l-baʹz وِقَايَةٌ [viḵâyet] mâddesindendir.
اَلْأُوقِيَّةُ [el-ûḵiyyet] (hemzenin zammı ve meddi ve ḵâf’ın kesri ve yâ’nın teşdîdiyle) Kırk dirhem, nitekim hadîs-i şerîfte vâkiʹ olmuştur; zamân-ı kadîmde dahi أُوقِيَّةٌ [ûḵiyyet] bu maʹnâyadır. Ve ammâ bu zamânda halâyıkın ıstılâhında ve etıbbânın takdîrinde أُوقِيَّةٌ [ûḵiyyet] on dirhem ve bir dirhemin dahi beş sübüʹüdür ki bir إِسْتَارٌ [istâr] ve sülüseyn إِسْتَارٌ [istâr] olur. Ve إِسْتَارٌ [istâr] hemzenin kesriyle dört buçuk miskâla derler.
Sitemizde detaylı hızlı ve kolay arama ekranı