اَلْعُنْقُرُ [el-ʹunḵur - el-ʹunḵar] (ʹayn’ın zammı ve ḵâf’ın fethi ve zammıyla) Kamışın köküne denir, ʹalâ-kavlin ibtidâ biten taze ve yumuşak nebâtına denir. Ve koğalak ve hasır otu dedikleri nebâta denir, بَرْدِيٌّ [berdiyy] gibi, ʹalâ-kavlin beyâz olduğu hâlde ıtlâk olunur ki murâd tâzesidir. Ve hurmâ beynisine denir. Ve bir adamın asl ve ʹırk ve nesebine denir; yukâlu: كَرِيمُ الْعُنْقُرِ أَيِ الْأَصْلِ Ve dihkânların yaʹnî köylü ve ekinci makûlesinin evlâdlarına ıtlâk olunur, nezâret ve hakâretlerine mebnî, gûyâ ki hasır otuna teşbîh olunmuştur. Ve ḵâf’ın zammıyla عُنْقُرٌ [ʹunḵur] bir maʹrûf soyu pâk nâkanın ismidir.
اَلْعُنْقُرُ [el-ʹunḵur] (ʹayn’ın zammı ve nûn’un sükûnuyla ve ḵâf’ın zammıyla) Kamış kökü; yukâlu: عُنْقُرُ الْقَصَبِ بِزِيَادَةِ النُّونِ ve yukâlu: عُنْقُرُ الرَّجُلِ لِعُنْصُرِهِ Ve عُنْصُرٌ [ʹunṡur] ʹayn’ın ve ṡâd’ın zammıyla asl ve haseb maʹnâsınadır.
Sitemizde detaylı hızlı ve kolay arama ekranı