اَلْمُحْلِفُ [el-muḩlif] (مُحْسِنٌ [muḩsin] vezninde) Yemîn verici demektir. Bu münâsebetle şol nesneye ıtlâk olunur ki onun hakkında nâs şekk ve tereddüd üzere olup kimi şöyledir ve kimi böyledir diye yemîn eder olalar, gûyâ ki lisân-ı hâlle halka yemîn verir. ʹArabların “حَضَارِ وَالْوَزْنُ مُحْلِفَانِ” kavlleri buna mebnîdir. حَضَارِ [Ḩaḋâri] قَطَامِ [ḵaṯâmi] vezninde ve وَزْنٌ [Vezn] iki kevkebdir ki Süheyl yıldızından mukaddemce tulûʹ ederler. Onların herbirini görenler Süheyl yıldızı budur ve kimi bu değildir diye yemîn ederler. Meşkûk ve muhtelefün fîh olan nesne hakkında darb olunur. Ve levni al ile doru beyninde olan ata كُمَيْتٌ مُحْلِفٌ ıtlâk ederler, gûyâ ki kimi doru ve kimi aldır diye yemîn ederler; yukâlu: كُمَيْتٌ مُحْلِفٌ أَيْ غَيْرُ خَالِصِ اللَّوْنِ
Sitemizde detaylı hızlı ve kolay arama ekranı