Kamus-ı Muhit - الجم maddesi

اَلْجُمُّ [el-cumm] (cîm’in zammıyla) Bir gûne sedef-i bahrî ismidir.

اَلْجِمُّ [el-cimm] (cîm’in kesriyle) Şeytâna yâhûd şeyâtîne ıtlâk olunur.

اَلْجَمُّ [el-cemm] (cîm’in fethi ve mîm’in teşdîdiyle) Çok nesneye denir; yukâlu: مَالٌ جَمٌّ أَيْ كَثِيرٌ Ve جَمُّ الظَّهِيرَةِ [cemmu’ż-żahîret] nısf-ı nehârın tamâm dolgunluğu kerteye ıtlâk olunur; tekûlu: سِرْنَا فِي جَمِّ الظَّهِيرَةِ أَيْ فِي مُعْظَمِهَا Ve جَمُّ الْمَاءِ [cemmu’l-mâ΄] suyun engin yerinden ʹibârettir. Ve جَمٌّ [cemm] kelimesinin cemʹi جِمَامٌ [cimâm] gelir cîm’in kesriyle ve جُمُومٌ [cumûm] gelir. Ve

جَمٌّ [cemm] ve

جِمَامٌ [cimâm] (harekât-ı selâsla) Masdar olurlar, ölçeği başlı ölçmek maʹnâsına; yukâlu: جَمَّ الْكَيْلَ جَمًّا وَجِمَامًا مِنَ الْبَابِ الثَّانِي إِذَا كَالَهُ إِلَى رَأْسِ الْمِكْيَالِ Ve

جَمَامٌ [cemâm] (سَحَابٌ [seḩâb] vezninde) Yorgun at binilmeyip dinlenmek maʹnâsınadır; yukâlu: جَمَّ الْفَرَسُ جَمًّا وَجَمَامًا إِذَا تُرِكَ وَلَمْ يَرْكَبْ فَعَفَا مِنْ تَعَبِهِ Ve

جَمٌّ [cemm] Kemiğin eti çok olmak maʹnâsınadır; yukâlu: جَمَّ الْعَظْمُ إِذَا كَثُرَ لَحْمُهُ Ve su biriksin diye almayıp hâli üzere terk eylemekle irkmek maʹnâsınadır; yukâlu: جَمَّ الْمَاءَ إِذَا تَرَكَهُ يَجْتَمِعُ Ve bir iş ve bir nesne pek yaklaşıp çatmak maʹnâsınadır; yukâlu: جَمَّ الْأَمْرُ إِذَا دَنَا Ve kîle üzerine baş yığmak maʹnâsınadır; tekûlu: جَمَمْتُ الْمِكْيَالَ إِذَا جَعَلْتَهُ عَلَى رَأْسِهِ طَفَافًا

Vankulu Lugatı - الجم maddesi

اَلْجَمُّ [el-cemm] (cîm’in fethi ve mîm’in teşdîdiyle) Kesîr maʹnâsına. Kalallâhu taʹâlâ: ﴿وَتُحِبُّونَ الْمَالَ حُبًّا جَمًّا﴾ (الفجر، 20) ve yukâlu: جَمَّ الْمَالَ وَغَيْرَهُ مِنَ الْبَابِ الْأَوَّلِ وَالثَّانِي إِذَا أَكْثَرَ Ve

جَمٌّ [cemm] Kuyuda cemʹ olan suya da derler. Ve

جَمٌّ [cemm] Kîlenin üzerine baş yığmağa dahi derler; tekûlu: جَمَمْتُ الْمِكْيَالَ إِذَا مَلَأْتَهُ فَوْقَ الطَّفَافِ Ve

جَمٌّ [cemm] At dinlenmeğe dahi derler; yukâlu: جَمَّ الْفَرَسُ جَمًّا مِنَ الْبَابِ الْأَوَّلِ وَالثَّانِي إِذَا ذَهَبَ أَعْيَاؤُهُ وَكَذَا إِذَا تَرَكَ الضِّرَابَ