اَلْغُرَّةُ [el-ġurret] (gayn’ın zammıyla) At kısmının cephesinde olan beyâza denir ki sabâhu’l-hayr taʹbîr olunur. Ve köleye ve câriyeye denir, ʹabd ve emet maʹnâsına. Kâle’ş-şârih ve fi’n-Nihâye: أَنَّهُ عَلَيْهِ السَّلاَمُ ḣجَعَلَ فِي الْجَنِينِ غُرَّةً عَبْدًا أَوْ أَمَةًḢ Mukaddemâ beyâz köleye ve câriyeye ıtlâk olunup baʹdehu taʹmîm olundu. Ve ʹinde’l-fukahâ΄ bu şart değildir, semeni nısf-ı ʹuşr-ı diyete bâlig olan ʹabd ve emet olmaktır. Ve
غُرَّةُ الشَّهْرِ [ġurretu’ş-şehr] Ayın leyle-i istihlâli yaʹnî ibtidâ gecesine ve gününe ıtlâk olunur. Ve
غُرَّةُ الْهِلاَلِ [ġurretu’l-hilâl] Yeni ayın talʹatından ʹibârettir. Ve
غُرَّةُ الْأَسْنَانِ [ġurretu’l-esnân] Dişlerin ibtidâ parlayan beyâz yeridir ki ağız açıldıkta ibtidâ nümâyân olur. Ve
غُرَّةُ الْمَتَاعِ [ġurretu’l-metâʹ] Emtiʹânın hıyârı yaʹnî güzîde ve fâhirine ıtlâk olunur. Ve
غُرَّةُ الْقَوْمِ [ġurretu’l-ḵavm] Bir cemâʹatin ʹazîz ve şerîf ve zî-şânından ʹibârettir. Ve
غُرَّةُ الْكَرْمِ [ġurretu’l-kerm] Asmanın sürʹat-ı büsûku yaʹnî çabuk uzayıp süren filizinden ʹibârettir. Ve
غُرَّةُ الرَّجُلِ [ġurretu’r-recul] Kişinin vechinden ʹibârettir. Ve
غُرَّةٌ [ġurret] Mutlakan bir şey΄in en evvel nümâyân olan yerine ıtlâk olunur, meselâ غُرَّةُ الضَّوْءِ [ġurretu’ḋ-ḋav΄] ziyânın ibtidâ nümâyân olanı ve غُرَّةُ الصُّبْحِ [ġurretu’ṡ-ṡubḩ] sabâhın ibtidâ zâhir olan rûşenliğinden ʹibârettir. Ve
غُرَّةُ الْإِسْلاَمِ [ġurretu’l-islâm] Sadr-ı İslâm’dan ʹibârettir. Ve
غُرَّةُ [Ġurret] Medîne’de Benû ʹAmr b. ʹAvf cemâʹâtine mahsûs bir kalʹanın ismidir; yerine Mescid-i Ḵubâ minâresi binâ kılındı.
اَلْغِرَّةُ [el-ġirret] (ġayn’ın kesriyle) ve
اَلْغَرِيرَةُ [el-ġarîret] (kezâlik ġayn’ın fethi ve râ’nın kesri ve meddiyle) Mü΄ennesi, beyyinetü’l-ġarâret maʹnâsına. Ve
غِرَّةٌ [ġirret] İsm dahi gelir, ahvâl bilmemek maʹnâsına. Ve
غِرَّةٌ [ġirret] Gaflet maʹnâsına da gelir.
اَلْغُرَّةُ [el-ġurret] (ġayn’ın zammı ve râ’nın teşdîdiyle) Şol beyâzdır atın alnında ki dirhemden büyüktür. Ve
غُرَّةٌ [ġurret] Şerîf maʹnâsına da gelir; yukâlu: فُلَانٌ غُرَّةُ قَوْمِهِ أَيْ سَيِّدُهُمْ
Sitemizde detaylı hızlı ve kolay arama ekranı