اَلْأَقَاوِمُ [el-aḵâvim] (hemzenin fethi ve vâv’ın kesriyle) Cemʹin cemʹidir. Ve
قَوْمٌ [ḵavm] Lafzı müzekker ve mü΄ennes olur, zîrâ şol esmâ΄-i cümûʹ ki onun vâhidi olmaya.Benî âdem için olursa tezkîri ve te΄nîsi câ΄izdir, رَهْطٌ [rahṯ] ve نَفَرٌ [nefer] ve قَوْمٌ [ḵavm] gibi, meselâ. Kâlallâhu taʹâlâ: ﴿وَكَذَّبَ بِهِ قَوْمَكَ﴾ (الأنعام، 66) فَذَكَّرَ وَقَالَ ﴿كَذَّبَتْ قَوْمُ نُوحٍ﴾ (الشعراء، 105) فَأَنَّثَ Ve eger mezbûrları tasgîr etsen ona hâ dâhil kılmayıp قُوَيْمٌ [ḵuveym] ve رُهَيْطٌ [ruheyṯ] ve نُفَيْرٌ [nufeyr] dersin ve ʹalâmet-i te΄nîsi hemîn fiʹlde ilhâk edersin. Ve eger ism-i cemʹ benî âdemin gayrı için olursa o vakt tasgîrinde hâ dâhil kılarsın, إِبِلٌ [ibil] ve غَنَمٌ [ġanem] gibi, zîrâ te΄nîs bu makûlelere lâzımdır. Ve ammâ cemʹ-i teksîrde جِمَالٌ [cimâl] ve مَسَاجِدُ [mesâcid] gibi meselâ tezkîr iʹtibâr olundukta جَمْعٌ murâd olurve te΄nîs iʹtibâr olundukta جَمَاعَةٌ murâd olur.
Sitemizde detaylı hızlı ve kolay arama ekranı