Şârih der ki gerçi nüshalarda رَاغَمَهُ ʹunvânında mersûmdur lâkin galattır; sahîh olan رَاوَغَهُ ʹibâretiyle olmaktır ki مُرَاوَغَةٌ [murâvaġat]tandır. Ve مُرَاوَغَةٌ [murâvaġat] tilki gibi bir kimseye mekr ve reng ve destân eylemek maʹnâsınadır ki beri öte oyun edip kurnazlık eylemekten ʹibârettir, tilkilik eylemek taʹbîr olunur. Vâkıʹa yedimizde usûllerde dahi رَاوَغَهُ ʹunvânındadır, hattâ Esâs’ta وَمِنَ الْمَجَازِ حَاوَتَنِي فُلاَنٌ عَنْ كَذَا إِذَا خَادَعَكَ عَنْهُ وَرَاوَغَكَ وَيُقَالُ ظَلَّ فُلاَنٌ يُحَاوِتُنِي بِخُدْعَةٍ أَيْ يُدَاوِرُنِي فِعْلَ الْحُوتِ فِي الْمَاءِ ʹibâretiyle mersûmdur. Ve
مُحَاوَتَةُ [muḩâvetet] Müdâfaʹa maʹnâsınadır; yukâlu: حَاوَتَهُ أَيْ دَافَعَهُ Ve müşâvere maʹnâsınadır; yukâlu: حَاوَتَهُ إِذَا شَاوَرَهُ Ve müşâvere vechiyle yâhûd beyʹ ve nikâh makûlesi muʹâmelât zımnında muvâʹade ile mükâleme eylemek maʹnâsınadır; yukâlu: حَاوَتَهُ إِذَا كَالَمَهُ بِمُشَاوَرَةٍ أَوْ بِمُوَاعَدَةٍ فِي الْبَيْعِ وَنَحْوِهِ
Sitemizde detaylı hızlı ve kolay arama ekranı