الْمَـلَأُ [el-mele΄] (جَبَلٌ [cebel] vezninde) Teşâvür ve meşveret maʹnâsınadır; imtilâ΄, cemâʹat mülâbesesiyle bir kavmin ʹilye ve eşrâfına yaʹnî kibârına ve ecille ve aʹyânına ve vücûhuna ıtlâk olunur; mes΄ûl ve me΄mûl olan ihsân ve maʹrûf ve re΄y ü tedbîr makûlesi hâlâtla memlû oldukları münâsebetiyle yâhûd ʹazamet ve şân ve şevket ve hadem ve haşem ile ʹuyûn u sudûr-ı nâsı doldurdukları ʹalâkasıyla ıtlâk olunmuştur. Ve
مَـلَأٌ [mele΄] Cemâʹata ıtlâk olunur. Ve hırs ve tamaʹ ve zan ve gümân maʹnâlarına istiʹmâl olunur. Ve vecâhet ve sikke-sûret ve cemʹiyyet sâhibi gürûh-ı insânîye ıtlâk olunur. Ve hûy ve hulk maʹnâsına istiʹmâl olunur; havsala-i sirişt ü fıtratta gûyâ ki memlû olduğuna mebnîdir. Cemʹi أَمْلاَءٌ [emlâ΄] gelir; خَبَرٌ [ḣaber] ve أَخْبَارٌ [aḣbâr] gibi; ve minhu’l-hadîs: “أَحْسِنُوا أَمْلاَءَكُمْ” أَيْ أَخْلاَقَكُمْ
Sitemizde detaylı hızlı ve kolay arama ekranı