اَلْحِقْلُ [el-ḩiḵl] (ḩâ’nın kesriyle) Mihaffeye denir. Ve batn emrâzından bir maraz adıdır. Ve davarın çayır yemekten bağırsaklarında hâsıl olan suya denir.
اَلْحَقَلُ [el-ḩaḵal] (fethateynle) Deve zikr olunan حَقْلَةٌ [ḩaḵlet] marazına uğramak maʹnâsınadır, حَقْلَةٌ [ḩaḵlet] gibi, kezâlik at dahi حَقْلَةٌ [ḩaḵlet] dediği karın vecaʹına uğramak maʹnâsınadır; yukâlu: حَقَلَ الْبَعِيرُ وَالْفَرَسُ حَقْلَةً وَحَقَلًا إِذَا أَصَابَ الْحَقْلَةَ
اَلْحَقْلُ [el-ḩaḵl] (عَقْلٌ [ʹaḵl] vezninde) Toprağı pâk ve münbit tarlaya denir, حَقْلَةٌ [ḩaḵlet] dahi denir, تَمْرٌ [temr] ve تَمْرَةٌ [temret] gibi; ve minhu’l-meselu: “لَا تُنْبِتُ الْبَقْلَةَ إِلَّا الْحَقْلَةُ” Cevher-i insâniyyet asîl adamdan me΄mûldür diyecek yerde îrâd olunur. Ve
حَقْلٌ [ḩaḵl] Yaprakları gereği gibi şuʹbelenip tarlayı basmış gür ve onat gök ekine denir, ʹalâ-kavlin derneklenip topraktan zuhûra başlamış olan yâhûd henüz tâze ve yeşil iken ıtlâk olunur.
اَلْحَقْلُ [el-ḩaḵl] (ḩâ’nın fethi ve ḵâf’ın sükûnuyla) Şol ekindir ki yaprakları dağıla, henüz sâkı kalınlanmadan.
Sitemizde detaylı hızlı ve kolay arama ekranı