اَلضَّيْفُ [eḋ-ḋayf] (سَيْفٌ [seyf] vezninde) Konuk, mihmân maʹnâsınadır. Fi’l-asl masdar olmakla müfred ve cemʹe ıtlâk olunur. Ve gâh olur ki أَضْيَافٌ [aḋyâf] ve ضُيُوفٌ [ḋuyûf] ve ضِيفَانٌ [ḋîfân] üzere cemʹlenir. Ve ضَيْفٌ [ḋayf] müzekker ve mü΄ennese ıtlâk olunur ve tâ-i te΄nîs dahi ilhâk olunur; yukâlu: رَجُلٌ وَرِجَالٌ ضَيْفٌ وَامْرَأَةٌ ضَيْفٌ وَضَيْفَةٌ Ve
ضَيْفٌ [ḋayf] Masdar olur, hatun hayz görmek maʹnâsınadır; yukâlu: ضَافَتِ الْمَرْأَةُ تَضِيفُ ضَيْفًا إِذَا حَاضَتْ Ve
ضَيْفٌ [ḋayf] ve
ضِيَافَةٌ [ḋiyâfet] (كِتَابَةٌ [kitâbet] vezninde) Bir kimseye mihmân olmak maʹnâsınadır; tekûlu: أَضُفْتُهُ أَضِيفُهُ ضَيْفًا وَضِيَافَةً إِذَا نَزَلْتَ عَلَيْهِ ضَيْفًا Ve
ضَيْفٌ [ḋayf] حَرُونٌ [ḩarûn] nâm feresin neslinden bir feresin ismidir. Ve aʹlâm-ı nâstandır. Ve meyl eylemek maʹnâsınadır; yukâlu: ضَافَ إِلَيْهِ ضَيْفًا إِذَا مَالَ إِلَيْهِ
Sitemizde detaylı hızlı ve kolay arama ekranı