اَلْحَمْكُ [el-ḩamk] (ḩâ’nın fethiyle) Önce kılavuzluk edip gitmek maʹnâsınadır; yukâlu: حَمِكَ فِي الدَّلَالَةِ حَمْكًا مِنَ الْبَابِ الرَّابِعِ إِذَا مَضَى
اَلْحَمَكُ [el-ḩamek] (fethateynle) Mutlakan hurde ve küçük cura nesnelere denir; müfredi حَمَكَةٌ [ḩameket]tir. Ve kehlelere denir. Ve rüzâl-ı nâsa ıtlâk olunur; yukâlu: هُمْ حَمَكٌ أَيْ رُذَالٌ Ve hurde karıncalara denir. Ve süt emer kuzulara denir. Ve hâssaten bağırtlak kuşunun ve devekuşunun curalarına denir. Ve bir nesnenin asl ve tabʹına denir; yukâlu: كَرِيمُ الْحَمَكِ أَيْ كَرِيمُ الْأَصْلِ وَالطَّبْعِ Ve yolsuz, beyâbanlarda bilmeyerek rehberlik eden nâdân kılavuzlara denir; yukâlu: ذَهَبُوا بِدَلَالَةِ الْحَمَكِ أَيِ الْأَدِلَّاءِ الَّذِينَ يَتَعَسَّفُونَ الْفَلَاةَ
اَلْحَمَكُ [el-ḩamek] (kezâlik fethateynle) Cemʹi. Ve baʹzılar eyitti: حَمَكٌ [ḩamek] hurde karıncaya derler. Ve her nesnenin hurdesine حَمَكٌ [ḩamek] derler.
Sitemizde detaylı hızlı ve kolay arama ekranı