اَلْحَوَّاسُ [el-ḩavvâs] (شَدَّادٌ [şeddâd] vezninde) Dâ΄imâ gece vakti gezip nesne taleb eder olan adama denir; yukâlu: إِنَّهُ لَحَوَّاسٌ غَوَّاسٌ أَيْ طَلاَّبٌ بِاللَّيْلِ
اَلْحَوَاسُّ [el-ḩavâss] (ḩâ’nın fethiyle) حَاسَّةٌ [ḩâssat]ın cemʹidir ki müdrike maʹnâsınadır, insânda semʹ ve basar ve şemm ve zevk ve lems taʹbîr olunan kuvâ-yı hamse ve meşâʹir-i zâhireden ʹibârettir. Her birinde mevdûʹ olan kuvvet sebebiyle insân şey΄-i mahsûsun keyfiyyetini idrâk eder. Ve
حَوَاسُّ الْأَرْضِ [ḩavâssu’l-arḋ] Soğuk ve gökten yağan dolu ve yel ve çekirge ve mevâşîden ʹibârettir ki yerin nebâtâtını istîsâl ederler.
اَلْحَوَاسُّ [el-ḩavâss] (ḩâ’nın fethiyle ve vâv’ın fethi ve tahfîfiyle) Beş hâssedir ki onlar ile bir nesne idrâk olunur ki onların biri işitmek ve biri görmek ve biri koklamak ve biri tatmak ve biri tutmaktır, yaʹnî bir nesneyi bir ʹuzvu değirmekle bilmektir.
Sitemizde detaylı hızlı ve kolay arama ekranı