اَلْحَوَاةُ [el-ḩavât] (حَصَاةٌ [ḩaṡât] vezninde) ve
اَلْحَوَاءُ [el-ḩavâ΄] (هَوَاءٌ [hevâ΄] vezninde) Sese denir, savt maʹnâsına.
اَلْحِوَاءُ [el-ḩivâ΄] (كِتَابٌ [kitâb] vezninde) ve
اَلْمُحَوَّى [el-muḩavvâ] (مُعَلَّى [muʹallâ] vezninde) Bâdiye-nişînlerde birbirine mütekârib top evlere denir ki oba taʹbîr olunur; yukâlu: قَعَدُوا فِي الْحِوَاءِ وَالْمُحَوَّى وَهِيَ جَمَاعَةُ الْبُيُوتِ الْمُتَدَانِيَةِ
اَلْحَوَّاءُ [el-ḩavvâ΄] (شَدَّادٌ [şeddâd] vezninde) Karamtık kırmızı dudağa vasf olur; yukâlu: شَفَةٌ حَوَّاءٌ أَيْ حَمْرَاءُ إِلَى السَّوَادِ Ve birkaç kısrakların adıdır. Ve
حَوَّاءُ [Ḩavvâ΄] Zevc-i Âdem ʹaleyhime’s-selâm ismidir ki cümle-i efrâd-ı insânînin ümm-i muhteremesidir.
اَلْحُوَّاءُ [el-ḩuvvâ΄] (ḩâ’nın zammı ve vâv’ın teşdîdiyle ve elifin meddiyle مُكَّاءٌ [mukkâ΄] vezni üzere) Bir cins otun ismidir ki levni kurt levnine şebîhtir. Ve مُكَّاءٌ [mukkâ΄] bir cins kuşun ismidir.
اَلْحِوَاءُ [el-ḩivâ΄] (ḩâ’nın kesri ve elifin meddiyle) Bir niçe müctemiʹ olan evler ki deve yününden işlenmiş olalar.
اَلْحَوَّاءُ [el-ḩavvâ΄] (ḩâ’nın fethi ve vâv’ın teşdîdi ve elifin meddiyle) Mü΄ennesi; yukâlu: رَجُلٌ أَحْوَى وَامْرَأَةٌ حَوَّاءُ ve yukâlu: حَوِيتُ مِنَ الْبَابِ الرَّابِعِ Ve
أَحْوَى [aḩvâ] Kezâlik şol deveye derler ki onun levnine sevâd ve sufret karışmakla hudrete mâ΄il ola.
Sitemizde detaylı hızlı ve kolay arama ekranı