Kamus-ı Muhit - الرعلة maddesi

اَلرُّعْلَةُ [er-ruʹlet] (غُرْفَةٌ [ġurfet] vezninde) Mersin makûlesi hoş-bû çiçeklerden tertîb olunup tâc gibi başa sokulan çiçek tutamına denir.

اَلرَّعْلَةُ [er-raʹlet] (تَمْرَةٌ [temret] vezninde) Devekuşuna denir. Ve nâkanın ve koyunun kulaklarının ensesinden bir mikdârca dilenip hudâyî küpe tarzında sarkıtılan pâreye denir. Ve sünnet mevziʹinden kesilen deriye denir. Ve meyvesi kemter ve fenâ olan hurmâ ağacına, ʹalâ-kavlin uzun hurmâ ağacına denir. Ve kişinin ʹayâline, ʹalâ-kavlin kesîr olursa ıtlâk olunur; yukâlu: لَهُ رَعْلٌ أَيْ عِيَالٌ أَوْ كَثِيرٌ مِنْهُمْ Ve bir bölük atlılara denir ki azca ola, ʹalâ-kavlin ilerice gelenlerine denir; yukâlu: رَأَيْتُ رَعْلًا أَيْ قِطْعَةً مِنَ الْخَيْلِ قَلِيلَةً أَوْ مُقَدِّمَتَهَا Ve ʹinde’l-baʹz yirmi yâhûd yirmi beş mikdârı olan süvârî bölüğüne denir; cemʹi رِعَالٌ [riʹâl] ve أَرْعَالٌ [erʹâl] ve أَرَاعِيلُ [erâʹîl] gelir ki cemü’l-cemʹ olacaktır. Kâle fi’l-Esâs: وَمِنْهُ أَرَاعِيلُ الرِّيَاحِ أَيْ أَوَائِلُهَا Ve

رُعَّلٌ [ruʹʹal] Gâh olur ki bakar cinsinden olan o mikdâr bölüğe de ıtlâk olunur, işbu bakar münâsebetiyle hayl-i merkûmdan feres fehm olunmaya, zîrâ fürsân maʹnâsında mansûstur, meger ki mecâzen ıtlâk oluna.

Vankulu Lugatı - الرعلة maddesi

اَلرَّعْلَةُ [er-raʹlet] (râ’nın fethi ve ʹayn’ın sükûnuyla) At sürüsünden bir bölük. Ve

رَعْلَةٌ [raʹlet] Koyunun kulağını cümle kesmeyip bir mikdârın kesip küpe gibi asakomağa dahi derler, Ḣudâyî olan küpe gibi.