اَلرَّقَّابَةُ [er-raḵḵâbet] (كَذَّابَةٌ [kežžâbet] vezninde) وَغْدٌ [vaġd] maʹnâsınadır ki bir kavmin hizmet-kârıdır. Bâr-hânede kalıp onların emtiʹa ve eşyâlarını gözetip hıfz ve hirâset eder.
اَلرِّقْبَةُ [er-riḵbet] (râ’nın kesriyle) ve
اَلرِّقْبَانُ [er-riḵbân] (حِرْمَانُ [ḩirmân] vezninde) ve
اَلرُّقُوبُ [er-ruḵûb] (قُعُودٌ [ḵuʹûd] vezninde) ve
اَلرَّقَابَةُ [er-raḵâbet] (كَرَامَةٌ [kerâmet] vezninde) ve
اَلرَّقُوبُ [er-raḵûb] (قَبُولٌ [ḵabûl] vezninde) ve
اَلرَّقَبَةُ [er-raḵabet] (fetehâtla) Gözetmek, intizâr maʹnâsınadır; yukâlu: رَقَبَهُ رِقْبَةً وَرِقْبَانًا وَرُقُوبًا وَرَقَابَةً وَرَقُوبًا وَرَقَبَةً مِنَ الْبَابِ اْلأَوَّلِ إِذَا انْتَظَرَهُ Ve bir nesneyi hıfz ve hirâset eylemek maʹnâsınadır; yukâlu: رَقَبَهُ إِذَا حَرَسَهُ Ve bir kimsenin gerdanına ip yâ pâleheng takmak maʹnâsınadır; yukâlu: رَقَبَ فُلاَنًا إِذَا جَعَلَ الْحَبْلَ فِي رَقَبَتِهِ
اَلرَّقَابَةُ [er-reḵâbet] (feth-i râ’yla) Şol gözcüdür ki kârbân yüklerin koyup bir yere gittiklerinde yüklerin gözetir.
Sitemizde detaylı hızlı ve kolay arama ekranı