Kamus-ı Muhit - الزجل maddesi

اَلزَّجَلُ [ez-zecel] (fethateynle) Nâs birbiriyle oynaşıp şamata ve hengâme eylemek maʹnâsınadır; yukâlu: زَجِلَ الْقَوْمُ زَجَلًا مِنَ الْبَابِ الرَّابِعِ إِذَا لَعِبُوا وَجَلَبُوا Ve şarkı ve beste okuyup hânendelik eylemek maʹnâsınadır; yukâlu: زَجِلَ الزَّاجِلُ إِذَا طَرَبَ Ve refʹ-i savt eylemek maʹnâsınadır; yukâlu: زَجِلَ الرَّجُلُ إِذَا رَفَعَ الصَّوْتَ Ve bu maʹnâlarda ism olarak müstaʹmeldir.

اَلزَّجِلُ [ez-zecil] (كَتِفٌ [ketif] vezninde) ve

اَلزَّاجِلُ [ez-zâcil] Bülend-âvâz adama denir. Ve hânendeye denir. Ve şol nebâta denir ki ona yel dokundukça seslenir ola; yukâlu: نَبْتٌ زَجِلٌ إِذَا صَوَّتَتْ فِيهِ الرِّيحُ

اَلزَّجْلُ [ez-zecl] (زَجْرٌ [zecr] vezninde) Bir nesneyi öte kakıp atmak maʹnâsınadır; yukâlu: زَجَلَهُ وَبِهِ زَجْلًا مِنَ الْبَابِ الْأَوَّلِ إِذَا رَمَاهُ وَدَفَعَهُ Ve mızrağın aşağı harbesiyle dürtmek maʹnâsınadır; yukâlu: زَجَلَهُ بِالرُّمْحِ إِذَا زَجَّهُ Ve baʹîd yerden güvercin salmak maʹnâsınadır; yukâlu: زَجَلَ الْحَمَامَ إِذَا أَرْسَلَهَا عَلَى بُعْدٍ Ve dişinin rahimine menî dökmek maʹnâsınadır; yukâlu: زَجَلَ الْمَاءَ فِي رَحِمِهَا إِذَا صَبَّهُ

Vankulu Lugatı - الزجل maddesi

اَلزُّجَلُ [ez-zucel] (zâ’nın zammı ve cîm’in fethiyle) Cemʹi, tavâ΄if maʹnâsına.

اَلزَّجَلُ [ez-zecel] (fethateynle) Âvâzdır, savt maʹnâsına.

اَلزَّجِلُ [ez-zecil] (zâ’nın fethi ve cîm’in kesriyle) Savt sâhibi olan nesne; yukâlu: سَحَابٌ زَجِلٌ أَيْ ذُو رَعْدٍ

اَلزَّجْلُ [ez-zecl] (zâ’nın fethi ve cîm’in sükûnuyla) Atmak; yukâlu: زَجَلَ بِهِ زَجْلًا مِنَ الْبَابِ الْأَوَّلِ إِذَا رَمَى بِهِ يُقَالُ لَعَنَ اللهُ أُمًّا زَجَلَتْ بِهِ Ve

زَجْلٌ [zecl] Mekânın bilen güvercini ıraktan salıvermeğe dahi derler.