Kamus-ı Muhit - الأرز maddesi

اَلْأَرَزُ [el-erez] (fethateynle) Şecer-i erzen ismidir ki acı bâdem ağacıdır.

اَلْأَرْزُ [el-erz] (hemzenin fethi ve râ’nın sükûnuyla) İltiyâm-ı kelâm maʹnâsınadır ki perîşân ve hezeyân olmayıp birbirine mülâyim ve münâsib ve muntazam olmasından ʹibârettir; tekûlu: عَجِبْتُ مِنْ أَرْزِ كَلاَمِهِ أَيِ الْتِيَامِهِ Ve

أَرْزٌ [erz] Sanevber ağacının ismidir, ʹalâ-kavlin erkek nevʹine denir yâhûd şecer-i ʹarʹar ismidir ki dağ servisi ve dikenli ardıç taʹbîr olunur; hemzenin zammıyla da zebân-zededir.

اَلْأَرُزُّ [el-eruzz] (hemzenin fethi ve râ’nın zammı ve zây’ın teşdîdiyle أَشُدٌّ [eşudd] vezninde) ve

اَلْأُرُزُّ [el-uruzz] (عُتُلٌّ [ʹutull] vezninde) ve

اَلْأُرْزُ [el-urz] (قُفْلٌ [ḵufl] vezninde) ve

اَلْأُرُزُ [el-uruz] (طُنُبٌ [ṯunub] vezninde) ve

اَلرُّزُّ [er-ruzz] (hemzenin iskâtıyla) ve

اَلرُّنْزُ [er-runz] (râ’nın zammı ve nûn’un sükûnuyla ki zâ΄ nûn’a mübeddeldir) ve

اَلْآرُزُ [el-âruz] (كَابُلٌ [kâbul] vezninde) ve

اَلْأَرُزُ [el-eruz] (عَضُدٌ [ʹaḋud] vezninde) Bu iki ahîrler Kurâʹ-ı Luġavî naklidir; mecmûʹu habb-ı maʹrûf ismidir ki pirinç taʹbîr olunan galledir. Muhaddisînden Ebû Revḩ Šâbit b. Muḩammed el-Urzî ki Ruzzî dahi zebân-zeddir, beyʹine mensûbdur.

Vankulu Lugatı - الأرز maddesi

اَلْأَرْزُ [el-erz] Cemʹ, mislu: تَمْرَة [temret] ve تَمْر [temr].

اَلْأَرُزُّ [el-eruzz] Pirinç ki hubâbât kısmındandır, bunda altı lügat var. Biri أَرُزٌّ [eruzz]dur hemzenin fethiyle ve râ’nın zammıyla ve zâ’nın teşdîdiyle. Ve biri dahi أُرُزٌّ [uruzz]dur, zammeteynle ve zâ’nın teşdîdiyle, hemzenin fethini zâ’nın zammesine tâbi kıluban. Ve üçüncüsü أُرْزٌ [urz]dur hemzenin zammı ve râ’nın sükûnu ve zâ’nın tahfîfiyle. Ve dördüncüsü أُرُزٌ [uruz]dur zammeteynle ve zâ’nın kezâlik tahfîfiyle, عُسْرٌ [ʹusr] ile عُسُرٌ [ʹusur] gibi. Ve beşincisi رُزٌّ [ruzz]dur zâ’nın zammı ve zâ’nın teşdîdiyle. Ve altıncısı رُنْزٌ [runz]dur râ’nın zammı ve nûn’un sükûnuyla.