اَلطِّرِّيقُ [eṯ-ṯirrîḵ] (سِكِّيتٌ [sikkît] vezninde) Ekserî yere bakıp hâmûş ve epsem duran adama denir; yukâlu: رَجُلٌ طِرِّيقٌ أَيْ كَثِيرُ الْإِطْرَاقِ Ve toy kuşunun erkeğine denir.
اَلْأُطَيْرِقُ [el-uṯayriḵ] (أُحَيْمِرٌ [uḩaymir] vezninde) ve
اَلطُّرَيْقُ [eṯ-ṯurayḵ] (زُبَيْرٌ [zubeyr] vezninde) Hicâz’a mahsûs bir cins hurmâ ağacıdır.
اَلطَّرِيقُ [eṯ-ṯarîḵ] (أَمِيرٌ [emîr] vezninde) Maʹlûmdur ki yola denir, taraḵ-ı akdâm olduğu için. Ve bu müzekker ve mü΄ennes olur. Mü΄ennesin cemʹi أَطْرُقٌ [aṯruḵ] gelir, يَمِينٌ [yemîn] ve أَيْمُنٌ [eymun] gibi. Ve müzekkerin cemʹi طُرُقٌ [ṯuruḵ] gelir, نَذِيرٌ [nežîr] ve نُذُرٌ [nužur] gibi ve أَطْرِقَاءُ [aṯriḵâ΄] gelir, نَصِيبٌ [naṡîb] ve أَنْصِبَاءُ [anṡibâ΄] gibi ve أَطْرِقَةٌ [aṯriḵat] gelir, رَغِيفٌ [raġîf] ve أَرْغِفَةٌ [erġifet] gibi. Ve cemʹü’l-cemʹi طُرُقَاتٌ [ṯuruḵât] gelir zammeteynle.
اَلطَّرِيقُ [eṯ-ṯarîḵ] (ṯâ’nın fethi ve râ’nın kesri ve meddiyle) Yol, sebîl maʹnâsına; tezkîr ve te΄nîsi câ΄izdir; tekûlu: اَلطَّرِيقُ الْأَعْظَمُ وَالطَّرِيقُ الْعُظْمَى Ve
طَرِيقٌ [ṯarîḵ] طَرِيقَةٌ [ṯarîḵat]ın cemʹi dahi gelir, uzun hurmâ ağacı maʹnâsına, ʹalâ-mâ se-yecî΄u.
Sitemizde detaylı hızlı ve kolay arama ekranı