اَلْكَمِيُّ [el-kemiyy (غَنِيٌّ [ġaniyy] vezninde) Dilîr ve bahâdıra denir yâhûd giyimli silâh-pûş adama denir; cemʹi كُمَاةٌ [kumât] gelir, قُضَاةٌ [ḵuḋât] vezninde ve أَكْمَاءٌ [ekmâ΄] gelir; yukâlu: هُوَ كَمِيٌّ أَيْ شُجَاعٌ أَوْ لَابِسُ السِّلَاحِ
اَلْكَمْيُ [el-kemy] (kâf’ın fethi ve mîm’in sükûnuyla) Bir nesneyi tınmayıp ketm ve setr eylemek maʹnâsınadır; yukâlu: كَمَى شَهَادَتَهُ كَمْيًا مِنَ الْبَابِ الثَّانِي إِذَا كَتَمَهَا Şârihin beyânına göre hasâ΄isten değildir. Ve cebe, cevşen ve migfer ile vücûdu bürüyüp gizlemek maʹâsınadır; yukâlu: كَمَى نَفْسَهُ إِذَا سَتَرَهَا بِالدِّرْعِ وَالْبَيْضَةِ
اَلْكَمِّيُّ [el-kemmiyy] (kâf’ın fethi ve yâ’nın teşdîdiyle) Bahâdır olan kimse ki saz ve silâh ile müretteb ola. Ve mezbûra كَمِّيٌّ [kemmiyy] dedikleri silâhla ve cebe ve tolga ile özin setr ettiğine binâ΄endir.
اَلْكَمْيُ [el-kemy] (kâf’ın fethi ve mîm’in sükûnuyla) Şehâdeti gizlemek; yukâlu: كَمَا فُلَانٌ شَهَادَتَهُ يَكْمِيهَا إِذَا كَتَمَهَا
Sitemizde detaylı hızlı ve kolay arama ekranı