اَلْمِسِّيحُ [el-missîḩ] (سِكِّينٌ [sikkîn] vezninde) Bu dahi kesîrü’s-sıyâha adama denir.
اَلْمَسِيحُ [el-Mesîḩ] (أَمِيرٌ [emîr] vezninde) ʹÎsâ ʹalâ-nebiyyinâ ve ʹaleyhi’s-selâmdır; yümn ve bereketi sebebiyle tesmiye olunmuştur. Bunun iştikâkı bâbında Meşâriḵu’l-Envâr üzere olan şerhimde ve sâ΄ir mü΄ellefâtımda elli gûne vech zikr ve beyân eyledim, niteki سَوْحٌ [sevḩ] mâddesinde dahi beyân olundu.
اَلْمُسَيَّحُ [el-museyyaḩ] (مُعَظَّمٌ [muʹażżam] vezninde) Sırtı çizgili muhattat olan çekirgeye denir. Ve çubuklu alaca kumaşa denir. Ve muhattat bürde gibi metninde ince ince yolları olan tarîka ıtlâk olunur. Ve yaban eşeğine ıtlâk olunur, karınla yanları beyninde uzun uzun hatları olmak hasebiyle.
اَلْمَسِيحُ [el-mesîḩ] Gümüş pâresi ve sürülmüş akçe. Ve ʹÎsâ salavâtullâhi ʹaleyhi ve selâmuhunun ismi.
اَلْمُسَيَّحُ [el-museyyaḩ] (mîm’in zammı ve yâ’nın fethi ve teşdîdiyle) Muhattat olan nesne; yukâlu: بُرْدٌ مُسَيَّحٌ وَعَبَاءَةٌ مُسَيَّحَةٌ Yaʹnî yol yol alacası olan bürd ve ʹabâ.
Sitemizde detaylı hızlı ve kolay arama ekranı