اَلْمِلْبَسُ [el-milbes] (مِنْبَرٌ [minber] vezninde) Bu dahi câmeye denir.
اَلْمُلْبِسُ [el-mulbis] (مُحْسِنٌ [muḩsin] vezninde) ve
اَلْمُلْتَبِسُ [el-multebis] (مُحْتَبِسٌ [muḩtebis] vezninde) Müştehib ve muhtelit nesneye denir; yukâlu: أَمْرٌ مُلْبِسٌ وَمُلْتَبِسٌ أَيْ مُشْتَبِهٌ
اَلْمَلْبَسُ [el-melbes] (مَقْعَدٌ [maḵʹad] vezninde) Bu dahi câmeye denir; yukâlu: جَاءَ وَعَلَيْهِ مَلْبَسٌ أَنْفَسُ أَيْ لِبَاسٌ Ve ʹArablar “Filânda kibr ve nahvet sıfatı yoktur, mütevâziʹdir” diyecek yerde إِنَّ فِيهِ لَمَلْبَسًا derler, مَا بِهِ كِبْرٌ maʹnâsına. Burada مَلْبَسٌ [melbes] مُسْتَمْتَعٌ [mustemtaʹ] maʹnâsına müsteʹârdır, tevâzûʹdan kinâyedir, zîrâ mütekebbirden temettuʹ ve intifâʹ mutasavver değildir. Ve mine’l-emsâli: ḣأَعْرَضَ ثَوْبُ الْمَلْبَسِḢ يُضْرَبُ لِمَنْ كَثُرَ مَنْ يَتَّهِمُهُ Yaʹnî bir adamın ithâm eylediği kimseler çok oldukta darb olunur. Ve bunda مِنْبَرٌ [minber] ve مُفْلِسٌ [muflis] veznlerinde dahi vârid olmuştur. Burada أَعْرَضَ kelimesi صَارَ ذَا عِرْضٍ maʹnâsınadır, yaʹnî müttehemin libâsı ʹarîz oldu ki kendi töhmetli iken herkese ʹazv ü isnâd eder. مَلْبَسٌ [melbes] مُغَطًّى [muġaṯṯân] maʹnâsınadır ki murâd töhmetle muhâttır demektir, مِنْبَرٌ [minber] ve مُفْلِسٌ [muflis] veznlerinde مُغَطِّي [muġaṯṯî] maʹnâsınadır ki ism-i fâʹildir. Ve baʹzılar أَعْرَضَ fiʹlini ظَهَرَ maʹnâsına haml eylemekle müttehemin töhmeti zâhir oldu demek olur, buna göre kendisini ithâm edenler kesîr oldukta darb olunur. Ve Zemaḣşerî, Mustaḵṡâ’da başka gûne darb eylemiştir.
اَللِّبَاسُ [el-libâs] (lâm’ın kesriyle) Giyilen nesne. Ve
اَلْمَلْبَسُ [el-melbes] (mîm’in ve bâ’nın fethiyle) Bi-maʹnâhu. Ve
اَللِّبْسُ [el-libs] (lâm’ın kesri ve bâ’nın sükûnuyla) Kezâlik bi-maʹnâhu. Ve
لِبْسٌ [libs] Örtü maʹnâsına dahi gelir; yukâlu: لِبْسُ الْكَعْبَةِ وَلِبْسُ الْهَوْدَجِ لِمَا عَلَيْهِمَا مِنْ لِبَاسٍ Ve لِبَاسٌ [libâs] İmre΄eye ve imre΄enin zevcine dahi ıtlâk olunur; kâlallâhu taʹâlâ: ﴿هُنَّ لِبَاسٌ لَكُمْ وَأَنْتُمْ لِبَاسٌ لَهُنَّ﴾ (البقرة 187) Ve hayâya dahi ﴿لِبَاسُ التَّقْوَى﴾ (الأعراف 26) derler. Tefsîr-i şerîfte bu vech üzere vârid olmuştur. Ve baʹzılar eyitti لِبَاسُ التَّقْوَى galîz olup haşîn ve kasîr olan giysidir.
Sitemizde detaylı hızlı ve kolay arama ekranı