اَلْمُلُجُ [el-muluc] (zammeteynle) Süt emer körpe oğlaklara denir; جِدَاءٌ رُضَعٌ maʹnâsına.
اَلْمُلْجُ [el-mulc] (mîm’in zammıyla) مُقْلٌ [muḵl] çekirdeğine denir, murâd مُقْلٌ [muḵl]-i Mekkî dedikleri meyvenin ki دَوْمٌ [devm] ağacının semeridir, çekirdeği olacaktır. Ona أُمْلُوجٌ [umlûc] dahi derler. Ve
مُلْجٌ [Mulc] ʹArabistân’da Ahsâ΄ nevâhîsinden bir nâhiyedir.
اَلْمَلْجُ [el-melc] (mîm’in fethi ve lâm’ın sükûnuyla) Çocuk ağızının ucuyla anasının memesini tutup emmek maʹnâsınadır; yukâlu: مَلَجَ الصَّبِيُّ أُمَّهُ وَمَلِجَهَا مَلْجًا مِنَ الْبَابِ اْلأَوَّلِ وَالرَّابِعِ إِذَا تَنَاوَلَ ثَدْيَهَا بِأَدْنَى فَمِهِ Ve أُمْلُوجٌ [umlûc] dedikleri çekirdeği ağızda çiğnemek için beri öte döndürmek maʹnâsınadır; yukâlu: مَلِجَ الرَّجُلُ مَلْجًا مِنَ الْبَابِ الرَّابِعِ إِذَا لاَكَ اْلأُمْلُوجَ فِي فِيهِ Ve nâkanın sütü çekilmekle gerisinde bir tuzluca nesne kalmak maʹnâsınadır ki onu tadan tuz taʹmı bulur; yukâlu: مَلِجَتِ النَّاقَةُ إِذَا ذَهَبَ لَبَنُهَا وَبِقِيَ شَيْءٌ يَجِدُ مَن ذَاقَهُ طُعْمَ المِلْحِ
اَلْمَلْجُ [el-melc] (mîm’in fethi ve lâm’ın sükûnuyla) Ağız ucuyla memeyi tenâvül etmek; yukâlu: مَلَجَ الصَّبِيُّ أُمَّهُ مِنَ الْبَابِ الْأَوَّلِ أَيْ رَضَعَهَا Yaʹnî sabî anasın emdi.
Sitemizde detaylı hızlı ve kolay arama ekranı