Kamus-ı Muhit - الهتل maddesi

اَلْهُتَّلُ [el-huttel] (رُكَّعٌ [rukkaʹ] vezninde) هَاتِلٌ [hâtil]in cemʹidir matar-ı mezbûru imtâr eden sehâba denir; yukâlu: سَحَائِبُ هُتَّلٌ أَيْ هُطَّلٌ

اَلْهَتْلُ [el-hetl] (قَتْلٌ [ḵatl] vezninde) ve

اَلْهُتُولُ [el-hutûl] (قُعُودٌ [ḵuʹûd] vezninde) ve

اَلتَّهْتَالُ [et-tehtâl] (تَذْكَارٌ [težkâr] vezninde) ve

اَلْهَتَلَانُ [el-hetelân] (fetehâtla) هَطْلٌ [haṯl] maʹnâsınadır ki sehâb peyderpey iri dâneli yağmur yağdırmak maʹnâsınadır, ʹalâ-kavlin bu هَطْلٌ [haṯl] mefhûmundan ezyeddir. Ve ʹinde’l-baʹz هَتَلَانٌ [hetelân] muttasıl yağan yavaşça yağmura denir; yukâlu: هَتَلَتِ السَّمَاءُ هَتْلًا وَهُتُولًا وَتَهْتَالًا وَهَتَلَانًا مِنَ الْبَابِ الثَّانِي إِذَا هَطَلَتْ أَوْ هُوَ فَوْقَ الْهَطْلِ أَوِ الْهَتَلَانُ اَلْمَطَرُ الضَّعِيفُ الدَّائِمُ Burada mü΄ellifin أَوِ الْهَتَلَانُ kavli masâdır-ı sâ΄ireden iktifâ ile yine masdar olup اَلْمَطَرُ الضَّعِيفُ kavli bi’l-müsâmaha muttasıl yavaşça yağmur yağdırmak maʹnâsınadır demek olur yâhûd yalnızca هَتَلَانٌ [hetelân] masdar olmayıp maʹnâ-yı mezbûrda ism olması dahi muhtemeldir.

Vankulu Lugatı - الهتل maddesi

اَلْهَتِلُ [el-hetil] (hâ’nın fethi ve tâ’nın kesriyle) Şol buluttur ki zikr olunan yağmuru yağdıra; yukâlu: سَحَابٌ هَتِلٌ

اَلْهَتْلُ [el-hetl] Raʹdsız ve berksiz dâ΄imâ yağan yağmur تَهْتَانٌ [tehtân] gibidir veznen ve maʹnen. Ve

تَهْتَالٌ [tehtâl] Zikr olunan yağmurun yağmasına dahi derler.