اَلْهَزِمَةُ [el-hezimet] (فَرِحَةٌ [feriḩat] vezninde) Şiddetle kaynar olan tencereye denir ki harıltısı zuhûr eder; yukâlu: قِدْرٌ هَزِمَةٌ أَيْ شَدِيدَةُ الْغَلَيَانِ
اَلْهَزْمَةُ [el-hezmet] (تَمْرَةٌ [temret] vezninde) Bir nesnede el ile basılıp sıkılmakla peydâ olan eziklik çukuruna denir; cemʹi هَزْمٌ [hezm]dir hâ’sız ve هُزُومٌ [huzûm] gelir. Ve
هَزْمَةٌ [Hezmet] Esâmîdendir: Sehm b. Musâfir b. Hezme, Yemen’de bir sipeh-sâlâr idi.
اَلْهَزْمَةُ [el-hezmet] (hâ’nın fethi ve zâ΄-i muʹcemenin sükûnuyla) Göğüs nihâyet bulduğu yerde olan çukurca yerdir. Ve elmada çukur olan yerdir, el ile sıkıldığı hînde. Ve
هَزْمُ الضَّرِيعِ [hezmu’ḋ-ḋarîʹ] ضَرِيعٌ [ḋarîʹ] dikeninin pâresi قِطْعَةُ الضَّرِيعِ maʹnâsına. Ve ضَرِيعٌ [ḋarîʹ] şol dikendir ki yere yayılır, sâkı olmaz, kedi tırnağı gibi dikenleri olur.
Sitemizde detaylı hızlı ve kolay arama ekranı