اَلْهَشِمُ [el-heşim] (كَتِفٌ [ketif] vezninde) Civân-merd adama denir.
اَلْهُشُمُ [el-huşum] (zammeteynle) Toprağı gevşek ve yumuşak dağlara denir. Ve süt sağan kimselere denir; هَاشِمٌ [hâşim] müfredidir.
اَلْهَشْمُ [el-heşm] (hâ’nın fethi ve şîn-i muʹcemenin sükûnuyla) Kuru nesneyi ufatıp hurd eylemek maʹnâsınadır, ʹalâ-kavlin kabak gibi içi boş nesneyi ufatmak yâhûd hâssaten başı ve kemiği kırıp ufatmak maʹnâsınadır yâhûd yüzü ve burnu yâhûd mutlakan her nesneyi ufatmak maʹnâsınadır; yukâlu: هَشَمَهُ هَشْمًا مِنَ الْبَابِ الثَّانِي وَهُوَ كَسْرُ الشَّيْءِ الْيَابِسِ أَوِ الْأَجْوَفِ أَوْ كَسْرُ الْعِظَامِ وَالرَّأْسِ خَاصَّةً أَوِ الْوَجْهِ وَالْأَنْفِ أَوْ كُلِّ شَيْءٍ
اَلْهَشْمُ [el-heşm] (hâ’nın fethi ve şîn-i muʹcemenin sükûnuyla) Bir yâbis nesneyi ufatmak; yukâlu: هَشَمَ الثَّرِيدَ وَمِنْهُ سُمِّيَ هَاشِمُ بْنُ عَبْدِ مَنَافٍ Yaʹnî kavmine tirit ufattığı için هَاشِمٌ [Hâşim] dediler, adı ʹAmr’dır.
Sitemizde detaylı hızlı ve kolay arama ekranı