بُخْتُ نُصَّر [Buḣtu Nuṡṡar] (bâ’nın zammı ve نُصَّر [nuṡṡar] سُكَّرٌ [sukker] vezninde) Bir şâh-ı maʹrûf ismidir, niteki “ن،ص،ر” mâddesinde mersûmdur.
بُخْتُ نَصَّرٌ [Buḣtu Naṡsar] (bâ’nın zammı ve ḣâ-yı muʹcemenin sükûnu ve nûn’un ve ṡâd-ı müşeddedenin fethiyle) Pûḣt-ı Naṡṡar-ı ʹacemî muʹarrebidir. Pûḣt, اِبْنٌ [ibn] maʹnâsınadır ve نَصَّرٌ [naṡṡar] بَقَّمٌ [baḵḵam] vezninde bir sanem ismidir. Bir gün sâdin, sanem-hâne içeriye girip gördü ki sanem-i mersûm yanında bir tıfl-ı şîr-hâre yatıyor, alıp terbiye ve اِبْنُ نَصَّرٍ maʹnâsına Pûḣt-ı Naṡṡar ile tesmiye eyledi. Baʹdehu şâh-ı Îrân Lehrâsb-ı Keyânî tarafından merz-bân olup tugât-ı Benî İsrâ΄îl üzere taʹyîn ve katl-i ʹâmm ve Ḵuds-i şerîfi harâb eyledi.
Sitemizde detaylı hızlı ve kolay arama ekranı