بِرْبِرٌ [birbir] (bâ’ların kesriyle) Koyun ve keçi kısmı yem yemeğe çağıracak asvâttandır.
بَرْبَرٌ [Berber] (عَرْعَرٌ [ʹarʹar] vezninde) Nâstan bir cîl yaʹnî bir tâ΄ife-i mahsûsa isimdir. Cemʹi بَرَابِرَةٌ [berâbiret]tir, hâ΄ izâle-i ʹucme içindir. Tâ΄ife-i mezbûre Magrib-zemîn’de olurlar. Ve onlardan başka bir tâ΄ifeye dahi بَرْبَرٌ [Berber] ıtlâk olunur ki Ḩabeş ile Zengibâr miyânında sâkin olurlar. Tezevvüc murâd ettiklerinde dest-res oldukları ricâlin âlâtını katʹ edip mahtûbalarına bedel-i nikâh olmak üzere ʹarz ve ʹadd ederler. Bunların cümlesi Ḵays-ı ʹAylân neslindendir. ʹAlâ-kavlin fi’l-asl bunlar Ḩimyer kabîlesinden iki batn idi ki birine Ṡinhâce ve birine Kutâme derler idi. Afrîḵaş nâm pâdişâh, Magrib-zemîn’e sefer edip İfrîḵiyye nâm beldeyi feth eylediği hengâmda mezbûrlar mevkib-i şâhide bi’l-maʹiyye Berber-zemîn’e ʹazîmet ve müşârün΄ileyhin ʹavdetinden sonra kendiler orada ikâmet eylediler. Ebû Saʹîd Sâbiḵ ve Meymûn Mevlâ ʹAffân ve Muḩammed b. Mûsâ ve ʹAbdullâh b. Muḩammed ve Ḩasan b. Saʹd el-Berberiyyûn muhaddislerdir. Ve
بَرْبَرٌ [Berber] Bir mutrib ve mugannî ismidir.
بَرْبَرٌ [Berber] (جَعْفَر [caʹfer] vezni üzere) Bir tâ΄ifenin ismidir.
Sitemizde detaylı hızlı ve kolay arama ekranı