جُمُدٌ [Cumud] (عُنُقٌ [ʹunuḵ] vezninde) Necd türâbında bir cebel adıdır.
اَلْجَمَدُ [el-cemed] (fethateynle) Kara ıtlâk olunur, ثَلْجٌ [šamp;elc] gibi. Ve جَامِدٌ [câmid] lafzından cemʹ olur, خَدَمٌ [ḣadem] ve خَادِمٌ [ḣâdim] gibi. Ve
جَمَدٌ [cemed] Donmuş suya denir ki buz taʹbîr olunur. Ve yüksekçe yere ıtlâk olunur. Cemʹi أَجْمَادٌ [ecmâd] ve جِمَادٌ [cimâd] gelir cîm’in kesriyle. Ve Cemed b. Maʹdîkereb’dir ki kendi Kinde kabîlesi mülûkundandır. Ve
جَمَدٌ [Cemed] Baġdâd kazâsında bir karye adıdır.
اَلْجَمْدُ [el-cemd] (حَمْدٌ [ḩamd] vezninde) ve
اَلْجُمُودُ [el-cumûd] (قُعُودٌ [ḵuʹûd] vezninde) Donmak manâsınadır; yukâlu: جَمَدَ الْمَاءُ وَكُلُّ سَائِلٍ وَجَمُدَ جَمْدًا وَجُمُودًا مِنَ الْبَابِ اْلأَوَّلِ وَالْخَامِسِ ضِدُّ ذَابَ Ve
جَمْدٌ [cemd] Vasf olur ki donan şey΄e denir; mübâlagaten tesmiye bi’l-masdardır. Ve
جَمْدٌ [cemd] ve
جُمُودٌ [cumûd] Bahîl olmak maʹnâsına müstaʹmeldir ki hayr ve ihsânı cârî olmaz; yukâlu: جَمَدَ الرَّجُلُ وَجَمُدَ جَمْدًا وَجُمُودًا إِذَا بَخِلَ Ve
جَمْدٌ [cemd] Kesmek maʹnâsına müstaʹmeldir, fi’l-asl dondurmak maʹnâsına olmakla cereyânını katʹ manâsından mutasavverdir; yukâlu: جَمَدَ الشَّيْءَ إِذَا قَطَعَهُ Ve vâcib ve lâzım ve müstakar olmak maʹnâsına müstaʹmeldir, donmak maʹnâsından me΄hûzdur; tekûlu: جَمَدَ حَقِّي عَلَى فُلاَنٍ أَيْ وَجَبَ
Sitemizde detaylı hızlı ve kolay arama ekranı