Kamus-ı Muhit - حضارة maddesi

حَضَّارَةٌ [Ḩaḋḋâret] (جَبَّانَةٌ [cebbânet] vezninde) Yemen’de bir belde adıdır.

Mü΄ellif كَنَصَرَ وَعَلِمَ ʹibâretiyle takyîd eylemekle bâb-ı evvelden ve râbiʹden olmak üzere beyân olundu, lâkin şârihin tahkîki üzere ikisinin de müstakbeli mazmûmü’l-ʹayn olmakla tedâhülü’l-lügateyn kabîlinden olur, “فَضِلَ – يَفْضُلُ” gibi, niteki وَحْدَةٌ [vaḩdet] mâddesinde “وَحِدَ – يَحِدُ” dahi o kabîldendir. İntehâ. Ve

حُضُورٌ [ḩuḋûr] ve

حَضَارَةٌ [ḩaḋâret] Müteʹaddî olur, hâzır eylemek maʹnâsına; yukâlu: حَضَرَهُ إِذَا جَعَلَهُ حَاضِرًا Ve hoş-nişînler suya varmışken başka semte munsarıf olmak maʹnâsına müstaʹmeldir; tekûlu: حَضَرْنَا عَنْ مَاءٍ أَيْ تَحَوَّلْنَا عَنْهُ Bu maʹnâ عَنْ ile sılalandıkta olur, bi-ʹaynihi رَغْبَةٌ [raġbet] mâddesi gibidir, رَغِبَهُ وَإِلَيْهِ derler, meyl maʹnâsına ve رَغِبَ عَنْهُ derler, iʹrâz maʹnâsına.

اَلْحَضَرُ [el-ḩaḋar] (fethateynle) ve

اَلْحَضْرَةُ [el-ḩaḋret] (ḋâd’ın sükûnuyla) ve

اَلْحَاضِرَةُ [el-ḩâḋiret] ve

اَلْحِضَارَةُ [el-ḩiḋâret] (ḩâ’nın kesri ve fethiyle) Bâdiye mukâbilidir ki bilâd ve kurâ ve kasabât demek olur. Bedevî, sahrâyî demektir ki hoş-nişîn tâ΄ifesidir. حَضَرِيٌّ [ḩaḋariyy] şehrî ve karavî olacaktır; yukâlu: هُوَ مِنْ أَهْلِ الْحَضَرِ وَالْحَضْرَةِ وَالْحَاضِرَةِ وَالْحِضَارَةِ أَيْ خِلاَفُ الْبَادِيَةِ Ve

حِضَارَةٌ [ḩiḋâret] كِتَابَةٌ [kitâbet] vezninde) Masdar olur, şehrde ve köyde ikâmet eylemek maʹnâsına ki şehrî yâhûd karavî olmak murâddır; yukâlu: حَضَرَ فُلاَنٌ حَضَارَةً إِذَا أَقَامَ فِي الْحَضَرِ Ve bu بَدَاوَةٌ [bedâvet] mukâbilidir.