حِمَالَةٌ [Ḩimâlet] (كِتَابَةٌ [kitâbet] vezninde) Benî Suleym ve ʹÂmir b. eṯ-Ṯufeyl ve Muṯayr b. el-Eşyem ve ʹAbâye b. Şeks nâm kimselerin feresleri ismidir.
اَلْحَمَالَةُ [el-ḩamâlet] (سَحَابَةٌ [seḩâbet] vezninde) Şol diyete denir ki bir kavm cihetinden kavm-i âher tahammül edip der-ʹuhde edeler, حَمَالٌ [ḩamâl] dahi denir, سَحَابٌ [seḩâb] vezninde; cemʹi حُمُلٌ [ḩumul]dur, كُتُبٌ [kutub] vezninde; yukâlu: عَلَيْهِمْ حَمَالَةٌ وَحَمَالٌ أَيِ الدِّيَةُ يَحْمِلُهَا قَوْمٌ عَنْ قَوْمٍ Mü΄ellif قَوْمٌ ile tabîri mücerred temsîl kabîlinden ekserîye mebnîdir yoksa bir adam dahi tahammül eder. Meselâ iki tâ΄ife mukâtele ederken hâricden biri miyânelerine duhûl ve maktûllerin diyetini tahammül birle ıslâh-ı mâ-beyn eder. Ve
حَمَالَةٌ [ḩamâlet] Masdar olur, kefîl olmak maʹnâsına; yukâlu: حَمَلَ بِهِ حَمَالَةً مِنَ الْبَابِ الثَّانِي إِذَا كَفَلَ
اَلْحَمَائِلُ [el-ḩamâ΄il] (ḩâ’nın fethi ve yâ’nın kesriyle) Cemʹi, kılıç bağları maʹnâsına. Bu zikr olunan Ḣalîl kavlidir. Ve Aṡmaʹî eyitti: حَمَائِلُ سَيْفٍ [ḩamâ΄ilu seyf]in kendi lafzından vâhidi yoktur, zîrâ onun vâhidi مِحْمَلٌ [miḩmel]dir. Ve
حِمَالَةُ [Ḩimâlet] Ṯuleyḩa el-Esedî’nin atının ismidir.
Sitemizde detaylı hızlı ve kolay arama ekranı