اَلسَّرْحَةُ [es-serḩat] (طَلْحَةُ [ṯalḩat] vezninde) Şol kancık eşeğe denir ki haml kertesine bâlig olup lâkin henüz hâmil olmaya. Ve
سَرْحَةٌ [Serḩat] Bir kelbin adıdır. Ve muhaddisînden ʹÖmer b. Saʹîd’in ceddi ismidir. Cevherî bir mevziʹin ismidir demekle galat eylemiştir, zîrâ o şîn-i muʹceme iledir ve istişhâd eylediği Lebîd’in işbu: “فَسَرْحَةُ فَالْمَرَانَةُ فَالْخَيَالُ” mısrâʹında dahi galat eylemiştir, zîrâ ḣâ-yı muʹceme ve yâ-yı tahtiyye ile zabt eylemiştir, esahh olan ḩâ-yı mühmele ve bâ-yı muvahhade ile olmaktır ki, حِبَالُ رَمْلٍ murâddır. Kezâlik سَرْحَةٌ [serḩat] bir şecer adıdır ki ona آاءٌ dahi denir, عَاعٌ [ʹâʹ] vezninde demekle galat eylemiştir, zîrâ سَرْحَةٌ [serḩat] şecerin ve آاءٌ onun semeri ismidir ki üzüm tarzında olur, niteki bâb-ı hemze evvelinde beyân olundu. İşbû سَرْحَةٌ [serḩat] mü΄ellifin evâ΄il-i mâddede وَالسَّرْحُ شَجَرٌ عِظَامٌ dediği, سَرْحٌ [serḩ]in müfredi olacaktır. Şârih der ki سَرْحَةٌ [Serḩat] bir mevziʹ ismi olduğu Merâṡid ve Lisânu’l-ʹArab sâhibleri dahi sebt eylemiştir. Ve خَيَالٌ [ḣayâl] ḣâ-yı muʹceme ve yâ-yı tahtiyye ile Benû Temîm diyârında bir mevziʹdir ve şâʹirin murâdı budur. Dîvân-ı Lebîd’de bu maʹnâ ile beyân eylediler.
سَرْحَةُ [Serḩat] Bir mevziʹin ismidir.
Sitemizde detaylı hızlı ve kolay arama ekranı