سُرُنْجٌ [Surunc] (عُرُنْدٌ [ʹurund] vezninde) Ekrâddan bir kabîle adıdır. Muhaddisînden Ebû Manṡûr Muḩammed b. Aḩmed b. Mehdî es-Suruncî ve pederleri o kabîledendir.
اَلسَّرَنْجُ [es-serenc] (سَمَنْدٌ [semend] vezninde) Sanʹat envâʹından bir nevʹ-i masnûʹa ismidir, فُسَيْفِسَاءٌ [fuseyfisâ΄] gibi. Ve فُسَيْفِسَاءٌ [fuseyfisâ΄] münakkaş tepe camlarına denir. Şârihin beyânına göre se-reng muʹarrebidir ki üç türlü demektir, lâkin ne olduğu maʹlûmumuz olmadı. Ve
سَرَنْجٌ [serenc] Bir devâ-yı maʹrûf adıdır ki baʹzen سَيْلَقُونٌ [seyleḵûn] dahi ıtlâk ederler. Türkîde sülügen dedikleri kırmızı boyadır ki yanmış kalaydan ve kurşundan maʹmûl olur, cirâhate nâfiʹdir. Mütercim der ki Fârisîde ona sirinc derler birinc vezninde. Ve zil taʹbîr olunan çalgıya da derler.
Sitemizde detaylı hızlı ve kolay arama ekranı