Kamus-ı Muhit - غرار maddesi

غُرَارٌ [Ġurâr] (غُرَابٌ [ġurâb] vezninde) Tihâme’de bir dağın adıdır.

اَلْغِرَارُ [el-ġirâr] (كِتَابٌ [kitâb] vezninde) Mızrak ve temren ve kılıç makûlesi âlâtın ağzına denir. Ve az uykuya denir. Ve sâ΄ir azca nesneye denir. Ve namâzın tahâretinde yâhûd rükûʹ ve sücûd gibi erkânında olan noksâna ıtlâk olunur ki tamâm icrâ olunmamaktan ʹibârettir. Ve tahiyyet ve teslîm husûsunda cemʹ olarak سَلاَمٌ عَلَيْكُمْ ʹunvânında demeyip belki müfred bünyesiyle سَلاَمٌ عَلَيْكَ yâhûd redd-i selâmda kezâlik عَلَيْكُمْ demeyip عَلَيْكَ demekten ʹibârettir. Asl غِرَارٌ [ġirâr] noksân maʹnâsınadır. Ve bunlar ıtlâkât-ı şerʹiyyedendir. Kâle fi’n-Nihâye وَفِي الْحَدِيثِ ḣلاَ غِرَارَ فِي صَلاَةٍ وَلاَ تَسْلِيمٍḢ فَالْغِرَارُ اَلنُّقْصَانُ وَغِرَارُ النَّوْمِ قِلَّتُهُ وَيُرِيدُ بِغِرَارِ الصَّلاَةِ نُقْصَانَ هَيْئَتِهَا وَأَرْكَانِهَا وَغِرَارُ التَّسْلِيمِ أَنْ يَقُولَ الْمُجِيبُ وَعَلَيْكَ لاَ عَلَيْكُمْ Ve

غِرَارٌ [ġirâr] Çarşı ve pazarın kesâda varmasına denir. Ve nâkanın lebeni kalîl olmağa denir. Ve şol nümûne ve örneğe denir ki ok temreni onun üzerine işlenir. Ve mutlakan örneğe denir, misâl maʹnâsına; yukâlu: ضَرَبَ نَصْلَهُ عَلَى غِرَارٍ أَيْ مِثَالٍ Ve

غِرَارٌ [ġirâr] Mufâʹaletten masdar olur, nâkanın sütü azalmak maʹnâsınadır; yukâlu: غَارَّتِ النَّاقَةُ غِرَارًا إِذَا قَلَّ لَبَنُهَا

Vankulu Lugatı - غرار maddesi

اَلْغِرَارُ [el-ġirâr] (ġayn’ın kesriyle) Az uyku, nevm-i kalîl maʹnâsına. ve

غِرَارٌ [ġirâr] Mikdâr maʹnâsına dahi gelir; yukâlu: لَبِثَ فُلَانٌ غِرَارَ شَهْرٍ إِذَا مَكَثَ مِقْدَارَ شَهْرٍ Ve

غِرَارٌ [ġirâr] Nâkanın sütü az olmağa dahi derler. Ve fi’l-hadîsi: “لَا غِرَارَ فِي صَلَاةٍ” وَهُوَ أَنْ لَا يَتِمَّ رُكُوعُهَا وَسُجُودُهَا