Kamus-ı Muhit - غراز maddesi

غَرَازِ [Ġarâzi] (قَطَامِ [ḵaṯâmi] vezninde ve سَحَابٌ [seḩâb] vezninde) Bir mevziʹ adıdır.

اَلْغَرْزُ [el-ġarz] (ġayn’ın fethi ve râ’nın sükûnuyla) İğne ve diken makûlesi nesneyi sançmak ve batırmak ve esvâb niğendelemek maʹnâsınadır; yukâlu: غَرَزَهُ بِالْإِبْرَةِ غَرْزًا مِنَ الْبَابِ الثَّانِي إِذَا نَخَسَهُ Ve

غَرْزٌ [ġarz] Deriden olan üzengiye denir, eğer maʹdenî olursa, رِكَابٌ [rikâb] derler; yukâlu: عَلَّقَ لِفَرَسِهِ غَرْزًا أَيْ رِكَابًا مِنْ جِلْدٍ Ve zikr olunan üzengiye ayak basmak maʹnâsınadır; yukâlu: غَرَزَ رِجْلَهُ فِي الْغَرْزِ إِذَا وَضَعَهَا فِيهِ ve tekûlu’l-ʹArab: إِلْزَمْ غَرْزَ فُلاَنٍ أَيْ أَمْرَهُ وَنَهْيَهُ Yaʹnî “Her emr ve nehyine imtisâl eyle.” Ve yekûlûne: أُشْدُدْ يَدَيْكَ بِغَرْزِهِ أَيْ حُثَّ نَفْسَكَ عَلَى التَّمَسُّكِ به Yaʹnî “Filâna gereği gibi yapışıp mülâzemet ve rızâ ve mutâvaʹatine dâ΄imâ nefsini hass ve teşvîk eyle.” Istılâhımızda dahi bu makâmda filânın üzengisine pek sarıl taʹbîri vardır. Ve

غَرْزٌ [ġarz] Bir adam vâlî ve pâdişâha ʹâsî ve serkeş iken mutîʹ ve münkâd olmak maʹnâsınadır; yukâlu: غَرِزَ الرَّجُلُ غَرْزًا مِنَ الْبَابِ الرَّابِعِ إِذَا أَطَاعَ السُّلْطَانَ بَعْدَ عِصْيَانٍ Ve

غَرْزٌ [ġarz] ve

غِرَازٌ [ġirâz] (كِتَابٌ [kitâb] vezninde) Nâkanın sütü azalmak maʹnâsınadır; yukâlu: غَرِزَتِ النَّاقَةُ غَرْزًا وَغِرَازًا إِذَا قَلَّ لَبَنُهَا وَهِيَ غَارِزٌ Ve غَرْزٌ [ġarz] غُرُوزٌ [ġurûz]un müfredi olur, ke-mâ se-yuzkeru.