هُنَا [hunâ] (hâ’nın zammı ve nûn’un tahfîfiyle) ve
هَهُنَا [hâhunâ] (hâ΄ ziyâdesiyle) Zurûf-ı mekâniyyedendir. Bunlar ile karîb irâde olunur; meselâ إِجْلِسْ هُنَا وَهَهُنَا derler ki “Şuraya ve işte şuraya otur” demektir.
هَاهُنَا [hâhunâ] (hâ’nın zammı ve nûn’un tahfîfiyle) ve
هَاهُنَّا [hâhunnâ] (hâ’nın zammı ve nûn’un teşdîdiyle) ve
هَهُنَّا [hâhunnâ] (elifin hazfi ve nûn’un teşdîdiyle) Zarf-ı mekândır; yukâlu: تَنَحَّ هَاهُنَا وَهَاهُنَّا وَهَهُنَا أَيْ أُبْعُدْ قَلِيلًا Yaʹnî “Şuracığa var” demektir. Hâ΄ harf-i tenbîhtir. Ve baʹzılar dedi ki sevdiğin adama هَهُنَا وَهُنَا denir, hâ’ların zammı ve nûn’ların tahfîfiyle ki kurbe işârettir, “Şuracığa gel” demektir. Ve hazz etmediğin kimseye هَهَنَّا وَهَنَّا denir hâ’ların fethi ve nûn’ların teşdîdiyle ki baʹîde işarettir, “Öteye var” demektir. Ve bu muʹtell bâbında dahi mezkûrdur.
هٰهُنَا [hâhunâ] (eliflerin kasrıyla) Mekân-ı karîbe işâret içindir.
Sitemizde detaylı hızlı ve kolay arama ekranı