اَلْبَغِرُ [el-baġir] (كَتِفٌ [ketif] vezninde) ve
اَلْبَغِيرُ [el-baġîr] (أَمِيرٌ [emîr] vezninde) Zikr olunan ʹillete uğramış deveye denir. Cemʹi بَغَارَى [baġârâ] gelir bâ’nın fethi ve zammıyla.
اَلْبَغَرُ [el-baġar] (bâ’nın ve ġayn-ı muʹcemenin fethiyle) ve
اَلْبَغْرُ [el-baġr] (ġayn’ın sükûnuyla) Deve kısmı dâ΄imâ suyu içip kanamaz olmakla kesret-i şürb sebebiyle maraz peydâ eylemek maʹnâsınadır; yukâlu: بَغِرَ الْبَعِيرُ وَبَغَرَ بَغَرًا وَبَغْرًا مِنَ الْبَابِ الرَّابِعِ وَالثَّالِثِ إِذَا شَرِبَ وَلَمْ يَرْوَ فَأَخَذَهُ دَاءٌ مِنَ الشُّرْبِ
اَلْبَغَرُ [el-beġar] (fethateynle) Bir marazdır ki susamakla hâsıl olur. Asmaʹî eyitti: بَغَرٌ [beġar] bir susamaktır ki deveye ʹârız olur, dâ΄imâ su içmekten hâlî olmaz ve suya kanmaz tâ ki ondan bir maraz hâsıl olup helâk olur; ve yukâlu minhu: بَغِرَ يَبْغَرُ مِنَ الْبَابِ الرَّابِعِ Ve Ḵureyş kabîlesinden bir şahsı kınayıp “مَاتَ أَبُوكَ بَشَمًا وَمَاتَتْ أُمُّكَ بَغَرًا” dediler. Ve بَشَمٌ [beşem] bâ’nın ve şîn’in fethiyle tohme olmağa derler.
Sitemizde detaylı hızlı ve kolay arama ekranı