اَلْجُرَادَةُ [el-Curâdet] (cîm’in zammıyla) Baṡra ile Yemâme beyninde bir kumsal adıdır.
اَلْجَرَادَةُ [el-Cerâdet] (سَحَابَةٌ [seḩâbet] vezninde) Bir hatun adıdır. Ve ʹAbdullâh b. Şuraḩbîl ve Ebû Ḵatâde Ḩârišamp; b. Ribʹî ve Selâme b. Nehâr b. Ebi’l-Esved nâm kimselerin feresleri adıdır. Ve ʹÂmir b. Ṯufeyl’in feresi ismidir ki kendinden sonra Serḩ b. Mâlik almıştır.
اَلْجُرَادَةُ [el-curâdet] (cîm’in zammıyla) Soyulan kabuk pâreleri.
اَلْجَرَادَةُ [el-cerâdet] (fethateynle kezâlik) Vâhidi, müzekkere ve mü΄ennese ıtlâk olunur. Ve جَرَادٌ [cerâd] çekirgenin müzekkerine mahsûs değildir, belki جَرَادٌ [cerâd] ism-i cinstir; بَقَرٌ [beḵar]la بَقَرَةٌ [beḵaret] ve تَمْرٌ [temr]le تَمْرَةٌ [temret] ve حَمَامٌ [ḩamâm]la حَمَامَةٌ [ḩamâmet] gibi ve bunlara benzer ne ki var ise. Pes bunun müzekkerinin hakkı budur ki lafz-ı âhardan olar, tâ ki vâhid-i müzekker cemʹe mültebis olmaya. Ve
جَرَادٌ [cerâd] Nâs maʹnâsına da gelir; yukâlu: مَا أَدْرِي أَيُّ الْجَرَادِ عَارَهُ أَيْ أَيُّ النَّاسِ ذَهَبَ بِهِ Ve عَارَ [ʹâre] ʹayn-ı mühmele ve râ-i mühmele ile أَذْهَبَ maʹnâsınadır.
Sitemizde detaylı hızlı ve kolay arama ekranı