اَلْحُبْشِيُّ [el-Ḩubşiyy] (ḩâ’nın zammı ve bâ’nın sükûnu ve âhirinde olan yâ’nın teşdîdiyle) Mekke-i müşerrefenin esfelinde bir dağın ismidir. Baʹzılar eyitti: أَحَابِيشُ قُرَيْشٍ [eḩâbîşu Ḵureyş] bundan me΄hûzdur. Ve bunun beyânı budur ki Beni’l-Muṡṯaliḵ ve Beni’l-Hûn b. Ḣuzeyme حُبْشِيٌّى [Ḩubşiyy] dağında Ḵureyş’le cemʹ olup and içtiler ki Ḵureyş’e muʹâvenetten hâlî olmayalar mâdâm ki gece karanu olup ve gündüz aydınlık olup حُبْشِيٌّ [Ḩubşiyy] dağı yerinde karâr ettikçe. Pes أَحَابِيشُ قُرَيْشٍ deyip dağın ismiyle tesmiye olundular.
Sitemizde detaylı hızlı ve kolay arama ekranı