Kamus-ı Muhit - البخع maddesi

اَلْبَخْعُ [el-baḣʹ] (مَنْعٌ [menʹ] vezninde) Bir kimse kendi nefsini gam ve gussa ile katl ve helâk eylemek maʹnâsına müstaʹmeldir; yukâlu: بَخَعَ فُلاَنٌ نَفْسَهُ بَخْعًا مِنَ الْبَابِ الثَّالِثِ إِذَا قَتَلَهَا غَمًّا Ve su çıkınca kadar kuyuyu kazmak maʹnâsına müstaʹmeldir; yukâlu: بَخَعَ الرَّكِيَّةَ إِذَا حَفَرَهَا حَتَّى ظَهَرَ مَاؤُهَا Ve bir adama hulûs üzere mübâlaga vechiyle pend ve nush eylemek maʹnâsına müstaʹmeldir; yukâlu: بَخَعَ لَهُ نُصْحَهُ إِذَا أَخْلَصَهُ وَبَالَغَ Ve ekinci tarlayı bir sene dinlendirmeyip beher sene peyderpey hırsla sürüp hirâset eylemek maʹnâsına müstaʹmeldir; yukâlu: بَخَعَ الْأَرْضَ بِالزِّرَاعَةِ إِذَا نَهَكَهَا وَتَابَعَ حِرَاثَتَهَا وَلَمْ يُجِمَّهَا عَامًا Ve bir adamın söylediği haberi tasdîk eylemek maʹnâsına müstaʹmeldir ki tasdîkle sözünü katʹ eder; yukâlu: بَخَعَ فُلاَنًا خَبَرَهُ إِذَا صَدَقَهُ Ve zebîhayı boğazlamakta mübâlaga edip bıçağı بِخَاعٌ [biḣâʹ] dedikleri damara kadar yetiştirmek maʹnâsınadır; yukâlu: بَخَعَ بِالشَّاةِ إِذَا بَالَغَ فِي ذَبْحِهَا حَتَّى بَلَغَ الْبِخَاعَ Bu mâdde bu maʹnaya mevzûʹ olup baʹdehu mutlakan mübâlaga vechiyle olan efʹâlde ʹalâka-i mezbûre ile istiʹmâl olundu; ve minhu kavluhu taʹâlâ: ﴿فَلَعَلَّكَ بَاخِعٌ نَفْسَكَ﴾ أَيْ مُهْلِكُهَا مُبَالِغًا فِيهَا حِرْصًا عَلَى إِسْلاَمِهِمْ

Vankulu Lugatı - البخع maddesi

اَلْبَخَعُ [el-beḣaʹ] (bâ’nın fethi ve ḣâ’nın sükûnuyla) Kendi nefsin gamla katl etmek; ve minhu kavluhu taʹâlâ: ﴿فَلَعَلَّكَ بَاخِعٌ نَفْسَكَ﴾ (الكهف 6)