اَلْبَسْرَةُ [el-Besret] (حَمْزَةُ [ḩamzet] vezninde) Benû ʹUḵayl yurdunda bir suyun adıdır.
اَلْبُسْرَةُ [el-busret] Hâ’yla بُسْرٌ [busr]un müfredidir ki zikr olundu. Ve
بُسْرَةٌ [busret] Henüz tulûʹ ederken güneşe ıtlâk olunur; yukâlu: بَدَتِ الْبُسْرَةُ وَهِيَ الشَّمْسُ فِي أَوَّلِ طُلُوعِهَا Ve kazîb-i kelbin yaʹnî kelb âletinin başına ıtlâk olunur. Ve
بُسْرَةٌ [busret] Bir nevʹ boncuk adıdır. Ve Busret bint Ebî Seleme rebîbe-i Resûl-i ekrem sallallâhu ʹaleyhi ve sellemdir.
اَلْبُسْرَةُ [el-busret] (bâ’nın zammı ve sîn’in sükûnuyla) بُسْرٌ [busr]un vâhidi. Güneşe dahi ıtlâk olunur evvel-i tulûʹunda. Ve şol ota dahi بُسْرَةٌ [busret] derler ki dahi kemâlin bulmamış ola ki otun ibtidâ yerden çıkanına بَارِضٌ [bâriḋ] derler ḋâd-ı muʹceme ile, ondan sonra جَمِيمٌ [cemîm] derler cîm-i meftûha ile, ondan sonra بُسْرَةٌ [busret] derler, ondan sonra صَمْعَاءُ [ṡamʹâ΄] derler ṡâd-ı mühmelenin fethiyle ve ʹayn-ı mühmele ile, ondan sonra حَشِيشٌ [ḩaşîş] derler.
Sitemizde detaylı hızlı ve kolay arama ekranı