اَلسَّرَسُ [es-seres] (fethateynle) Bir adam سَرِيسٌ [serîs] olmak maʹnâsınadır; yukâlu: سَرِسَ الرَّجُلُ سَرَسًا مِنَ الْبَابِ الرَّابِعِ إِذَا كَانَ سَرِيسًا Ve bed-hûy olmak maʹnâsınadır; yukâlu: سَرِسَ الرَّجُلُ إِذَا سَاءَ خُلُقُهُ Ve baʹde’l-cehl ʹâkıl ve hâzim olmak maʹnâsınadır; yukâlu: سَرِسَ الرَّجُلُ إِذَا عَقَلَ وَحَزُمَ بَعْدَ جَهْلٍ
اَلسَّرِسُ [es-seris] (كَتِفٌ [ketif] vezninde) ve
اَلسَّرِيسُ [es-serîs] (أَمِيرٌ [emîr] vezninde) ʹİnnîn adama, ʹalâ-kavlin aslâ nisvâna takarrüb eylemez olana yâhûd veledi olmaz olana denir. Nisvâna ʹadem-i takarrübü bir ʹilletten yâhûd ʹadem-i mahzûziyyet makûlesi hâlâttan olur; yukâlu: رَجُلٌ سَرِسٌ وَسَرِيسٌ أَيْ عِنِّينٌ أَوِ الَّذِي لاَ يَأْتِي النِّسَاءَ أَوْ مَنْ لاَ يُولَدُ لَهُ Ve şol aygıra denir ki aştığını gebe kılmaz ola; yukâlu: فَحْلٌ سَرِسٌ وَسَرِيسٌ إِذَا كَانَ لاَ يُلْقَحُ Ve zaʹîf ve nâ-tüvân adama denir; yukâlu: رَجُلٌ سَرِسٌ وَسَرِيسٌ أَيْ ضَعِيفٌ Ve şol zîrek ve hûş-mend adama denir ki elinde olan mâlı hıfz edip telef eylemez ola. Cemʹi سِرَاسٌ [sirâs] gelir sîn’in kesriyle ve سُرَسَاءُ [suresâ΄] gelir, كُرَمَاءُ [kuremâ΄] vezninde; yukâlu: رَجُلٌ سَرِسٌ وَسَرِيسٌ أَيْ كَيِّسٌ حَافِظٌ لِمَا فِي يَدَيْهِ
اَلسَّرِسُ [es-seris] (sîn’in fethi ve râ’nın kesriyle) Kezâlik dişisin yüklü kılmayan erkek.
Sitemizde detaylı hızlı ve kolay arama ekranı