Kamus-ı Muhit - الشعرة maddesi

اَلشَّعِرَةُ [eş-şaʹiret] (فَرِحَةٌ [feriḩat] vezninde) Şol koyuna vasf olur ki bakanakları aralıklarında dâ΄imâ kıllar bitip tırnakları kanar ola, ʹalâ-kavlin dizlerinde dâ΄imâ gicik ʹilleti ʹârız olan koyuna denir; yukâlu: شَاةٌ شَعِرَةٌ إِذَا كَانَتْ يَنْبُتُ الشَّعْرُ بَيْنَ ظِلْفَيْهَا فَتَدْمَيَانِ أَوْ هِيَ الَّتِي تَجِدُ أُكَالاً فِي رُكَبِهَا

اَلشِّعْرَةُ [eş-şiʹret] (şîn’in kesriyle) Kasık kılına denir hâssaten; yukâlu: نَبَتَتْ شِعْرَتُهُ أَيْ شَعْرُ عَانَتِهِ Ve göbeğin altında kıl biten yere denir. Ve kasığa denir mahalliyyet ʹalâkalarıyla. Ve bir bölük kıllara denir.

اَلشِّعْرُ [eş-şiʹr] (şîn’in kesri ve ʹayn’ın sükûnuyla) ve

اَلشَّعْرُ [eş-şaʹr] (şîn’in fethiyle) ve

اَلشَّعْرَةُ [eş-şaʹret] (şîn’in harekât-ı selâsıyla) ve

اَلشِّعْرَى [eş-şiʹrâ] (ذِكْرَى [žikrâ] vezninde) ve

اَلشُّعْرَى [eş-şuʹrâ] (رُجْعَى [rucʹâ] vezninde) ve

اَلشُّعُورُ [eş-şuʹûr] (ظُهُورٌ [żuhûr] vezninde) ve

اَلشُّعُورَةُ [eş-şuʹûret] (شُطُورَةٌ [şuṯûret] vezninde) ve

اَلْمَشْعُورُ [el-meşʹûr] (مَيْسُورٌ [meysûr] vezninde) ve

اَلْمَشْعُورَةُ [el-meşʹûret] (hâ’yla) ve

اَلْمَشْعُورَاءُ [el-meşʹûrâ΄] مَشْيُوخَاءُ [meşyûḣâ΄] vezninde ki on iki masdardır, bir nesneyi hoşça fehm edip zekâ ve zihn ve fetânetle mezâyâ ve dakîkasına varıp iyice idrâk eylemek maʹnâsınadır ki عِلْمٌ [ʹilm]den ahass olur, bundan tanımak ile taʹbîr olunur; yukâlu: شَعَرَ بِهِ وَشَعُرَ شِعْرًا وَشَعْرًا وَشَعْرَةً مُثَلَّثَةٌ وَشِعْرَى وَشُعْرَى وَشُعُورًا وَشُعُورَةً وَمَشْعُورًا وَمَشْعُورَةً وَمَشْعُورَاءَ مِنَ الْبَابِ اْلأَوَّلِ وَالْخَامِسِ إِذَا عَلِمَ بِهِ وَفَطِنَ لَهُ وَعَقَلَهُ

Vankulu Lugatı - الشعرة maddesi

اَلشِّعْرَةُ [eş-şiʹret] (şîn’in kesriyle) ʹAvret tâ΄ifesinin kasığı kılıdır hâssaten, er tâ΄ifesine ıtlâk olunmaz.

اَلشَّعْرَةُ [eş-şaʹret] (şîn’in fethi ve ʹayn’ın sükûnuyla) Vâhidi, bir kıl maʹnâsına. Ve شَعْرَةٌ [şaʹret] ile gâh olur ak kıl murâd olur, Yaʹḵûb rivâyeti üzere; yukâlu: رَأَى فُلَانٌ الشَّعْرَةَ إِذَا رَأَى الشَّيْبَ Ve lâkin bu taʹayyün karîneden hâsıl olmak ihtimâli vardır, elif lâm ʹahd için olmak gibi meselâ, egerçi Cevherî taʹarruz etmemiştir.