اَلْعَذْبَةُ [el-ʹažbet] (تَمْرَةٌ [temret] vezninde) Yosuna denir, طُحْلُبٌ [ṯuḩlub] maʹnâsına. Bir şecer adıdır ki tenâvülü deve kısmını helâk eder. Ve
عَذَبَةٌ [ʹažebet] Bir maraz-ı maʹrûf adıdır. Baʹzı nüshada وَدَوَاءٌ مَعْرُوفٌ ʹunvânında mersûmdur.
اَلْعَذِبَةُ [el-ʹažibet] (فَرِحَةٌ [feriḩat] vezninde) Yosuna denir. Ve buğday içinden ayırtlanıp atılan nesneye denir, delice ve karamuk gibi. Ve çirk ve murdâra denir. Ve دِرَّةٌ [dirret]i yaʹnî tura ve kırbaç dedikleri nesneyi ihâta eden şey΄e denir ki onlara kaplı olan meşin makûlesi olur ki tura kayışı dedikleridir. Nüshalarda مَا أَحَاطَ مِنَ الدِّرَّةِ ʹibâretiyle vâkiʹ olmakla şârih der ki savâb olan مَا أَحَاطَ بِالدَّبْرَةِ ʹunvânında olmaktır, niteki Lisânu’l-ʹArab’da dahi böylecedir. Ve دَبْرَةٌ [debret] تَمْرَةٌ [temret] vezninde tarlada dönüm taʹbîr olunan yere denir. Ve onu ihâta eden nesne onun etrâfına sınır için çevrilen mürtefiʹce topraktan ʹibâret olur.
Sitemizde detaylı hızlı ve kolay arama ekranı