Kamus-ı Muhit - العناب maddesi

اَلْعَنَّابُ [el-ʹannâb] (شَدَّادٌ [şeddâd] vezninde) Üzüm satan kimseye denir. Ve

عَنَّابٌ [ʹAnnâb] Ḩureyšamp; en-Nebhânî nâm kimsenin pederi ismidir. Cevherî’nin ʹAnnâb b. Ebî Ḩârišamp;e taʹbîri galattır, zîrâ o tâ-yı fevkiyye ile ʹAttâb’dır. Şârih der ki Cevherî onda erbâb-ı lügatten çok zevâta muvâfakat eylemiştir.

اَلْعُنَّابُ [el-ʹunnâb] (رُمَّانٌ [rummân] vezninde) Bu ismle maʹrûf meyvedir. Ve أَرَاكٌ [erâk] yaʹnî misvâk ağacının yemişine denir ki بَطْمٌ [baṯm] kadar ve kemâliyle oldukta siyâh ve bir mikdâr halâvetli olur, edviyedendir.

اَلْعُنَابُ [el-ʹunâb] (غُرَابٌ [ġurâb] vezninde) Burnu büyük olan kimseye denir; yukâlu: رَجُلٌ عُنَابٌ أَيْ كَبِيرُ الْأَنْفِ Ve Mekke yolunda bir dağın ve bir derenin ismidir. Ve

عُنَابٌ [ʹunâb] عَفَلٌ [ʹafel] yaʹnî baʹzı hatunların fercinde debelik gibi hâdis olan şişe denir; ʹalâ-kavlin بَظْرٌ [bażr] yaʹnî fercin vasatında olan lahm-ı zâ΄ide denir ki dılak taʹbîr olunur. Ve

عُنَابُ [ʹUnâb] Mâlik b. Nuveyre’nin feresi adıdır. Ve

عُنَابٌ [ʹunâb] Küçük kara dağa denir. Ve uzun değirmi dağa denmekle azdâddan olur.

Vankulu Lugatı - العناب maddesi

اَلْعُنَّابُ [el-ʹunnâb] (ʹayn’ın zammı ve nûn’un teşdîdiyle) Maʹrûf meyvenin ismidir.

اَلْعُنَابُ [el-ʹunâb] (ʹayn’ı zammı ve nûn’un tahfîfiyle) Burnu büyük olana derler. Ve kara dağa dahi derler, cebel-i esved maʹnâsına. Ve bir derenin dahi adıdır. Ve ʹavretlerin fercinde debbelik marazı gibi hâdis olan şişe dahi عُنَابٌ [ʹunâb] derler.