الْفِئَةُ [el-fi΄et] (جِعَةٌ [ciʹat] vezninde) Tâ΄ife ve gürûh maʹnâsınadır; teʹâdud ve teʹâvün bâbında yekdîgere müterâciʹ oldukları için. Ve bunun aslı فِيءٌ [fî΄] idi fâ’nın kesr ve meddiyle فِيعٌ [fîʹ] vezninde, hâ΄ harfi vasat-ı kelime olan yâ-ı sâkıtadan ʹivazdır. Cemʹi فِئُونَ [fi΄ûn] gelir şuzûz üzere ve فِآتٌ [fi΄ât] gelir شِيَاتٌ [şiyât] vezninde kıyâs üzere; yukâlu: جَاءَتْ فِئَةٌ كَثِيرَةٌ أَيْ طَائِفَةٌ
اَلْفِئَةُ [el-fi΄et] (عِدَةٌ [ʹidet] vezninde) Cemâʹat ve gürûh maʹnâsınadır; cemʹi فِئَاتٌ [fi΄ât] ve فِئُونَ [fi΄ûn] gelir. Mü΄ellif hemze bâbında dahi sebt eylemiştir; onda rücûʹ maʹnâsındandır ve bunda şakk maʹnâsındandır.
اَلْفِئَةُ [el-fi΄et] (bi-kesri’l-fâ΄ bilâ-medd) Tâ΄ife maʹnâsına. Ve âhirinde olan hâ şol yâ’dan ʹıvazdır ki vasat-ı kelimeden naks olunmuştur ki aslı فِيءٌ [fî΄] idi ʹalâ-vezni فِيع [fîʹ]. Ve cemʹi اَلْفِئُونَ [el-fi΄ûn] ve اَلْفِئَاتُ [el-fi΄ât] gelir ʹalâ-vezni شِيَات [şiyâ] ve لِدَات [lidât]. Ve شِيَاتٌ [şiyât] şîn-i müsellesenin kesriyle nişânlar demek olur. Ve لِدَاتٌ [lidât] lâm’ın kesriyle yaşdaş demek olur, hem-zâd maʹnâsına.
Sitemizde detaylı hızlı ve kolay arama ekranı